ក្រុមការងាររបស់ក្រុមហ៊ុន FWD Cambodia ចូលរួមចែករំលែកដល់សិស្សវិទ្យាល័យកំពង់ស្ពឺ ពីចំណេះដឹងផ្នែកឌីជីថលក្នុងការសិក្សា

ភ្នំពេញ៖ កាលពីព្រឹកថ្ងៃសៅរ៍ ទី០៩ ខែកក្កដា ក្រុមការងារនៃក្រុមហ៊ុន FWD Cambodia បានចែករំលែកចំណេះដឹង និងបទពិសោធពាក់ព័ន្ធនឹងបច្ចេកវិទ្យាឌីជីថល ដើម្បីជួយដល់ការសិក្សាជូនដល់សិស្សានុសិស្សវិទ្យាល័យកំពង់ស្ពឺ ដើម្បីត្រៀមខ្លួនសម្រាប់ការសិក្សាបន្តនៅសកលវិទ្យាល័យ។ សកម្មភាពនេះជាផ្នែកមួយនៃសកម្មភាពសហគមន៍ប្រចាំឆ្នាំរបស់ក្រុមហ៊ុន  FWD Cambodia ក្នុងគោលដៅជំរុញឱ្យមានការចូលរួមពីក្រុមការងារគ្រប់ជាន់ថ្នាក់ក្នុងសកម្មភាពនានា ដែលអាចជួយដល់សហគមន៍បាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សកម្មភាពនៃការបណ្ដុះបណ្ដាល និងការចែករំលែកនេះ ត្រូវបានដឹកនាំដោយនាយកដ្ឋានធនធានមនុស្ស និងនាយកដ្ឋានឌីជីថល និងបច្ចេកវិទ្យារបស់ក្រុមហ៊ុន FWD Cambodia ហើយមានបញ្ចូលនូវប្រធានបទដូចជា៖

· ការប្រើប្រាស់ប្រព័ន្ធបណ្តាញសង្គមដើម្បីទាញយកផលប្រយោជន៍ក្នុងការសិក្សា

· ការប្រើប្រាស់ទូរស័ព្ទដៃដើម្បីស្វែងរកព័ត៌មានសិក្សា និងអាហារូបករណ៍

· ការរៀចំខ្លួនចូលសកលវិទ្យាល័យ។

លោក អ៊ាត ឌីម៉ង់ នាយកនៃនាយកដ្ឋានឌីជីថល និងបច្ចេកវិទ្យា នៃក្រុមហ៊ុន FWD Cambodia បានចូលរួមក្នុងកម្មវិធីនេះ និងចែករំលែកថា៖

ប្រសាសន៍លោក អ៊ាត ឌីម៉ង់

លោកស្រី ម៉ៅ ពុទ្ធីរ័ត្ន នាយិកានាយកដ្ឋានធនធានមនុស្សនៃក្រុមហ៊ុន FWD Cambodia មានប្រសាសន៍ថា៖

« ការងារសហគមន៍ គឺជាផ្នែកមួយនៃការយកចិត្តទុកដាក់របស់ក្រុមហ៊ុន ដែលផ្តល់ឱកាសដល់បុគ្គលិកចូលរួមការងារស្ម័គ្រចិត្ត តាមរយៈការចែករំលែកនូវពេលវេលា ក៏ដូចជាជំនាញនិងបទពិសោធរបស់ខ្លួន ដើម្បីជាប្រយោជន៍ដល់សហគមន៍របស់យើង។ សកម្មភាពពេលនេះសបញ្ជាក់ពីការយកចិត្តទុកដាក់លើការអនុវត្ត និងការអភិវឌ្ឍសមត្ថភាពផ្នែកឌីជីថល ដែលជាមូលដ្ឋានគ្រឹះនៃប្រតិបត្តិការអាជីវកម្មរបស់យើង។ នាងខ្ញុំមានមោទនភាពដែលបានឃើញការចូលរួមយ៉ាងសកម្មក្នុងការងារសហគមន៍ពីសំណាក់ក្រុមការងារ និងការជ្រោមជ្រែងយ៉ាងពេញទំហឹងពីគណៈគ្រប់គ្រងរបស់ក្រុមហ៊ុន ក៏ដូចជាសហគមន៍ទាំងមូល។ »

ប្រសាសន៍លោកស្រី ម៉ៅ ពុទ្ធីរ័ត្ន

លោក អេង ថាវុធ នាយកវិទ្យាល័យកំពង់ស្ពឺបានថ្លែងអំណរគុណដល់ក្រុមការងារស្ម័គ្រចិត្តនៃក្រុមហ៊ុន FWD Cambodia ដែលបានចំណាយពេលវេលានាំយកនូវសម្ភារៈសិក្សា និងការចែករំលែកចំណេះដឹងល្អៗ។

លោកមានប្រសាសន៍ថា៖

ប្រសាសន៍លោក អេង ថាវុធ

ក្រុមហ៊ុនធានារ៉ាប់រងអាយុជីវិត FWD Cambodia ជាក្រុមហ៊ុនធានារ៉ាប់រងអាយុជីវិតបែបឌីជីថលលំដាប់អន្តរជាតិ ដែលមានទស្សនវិស័យក្នុងការផ្ដល់បទពិសោធថ្មីលើសេវាកម្មធានារ៉ាប់រងជូនដល់អតិថិជន ក៏ដូចជាសហគមន៍ផងដែរ។ ក្រុមហ៊ុនបានបង្កើតកម្មវិធីសហគមន៍ជារួមមួយដែលមានឈ្មោះថា Community Care ដែលផ្តោតលើការលើកកម្ពស់ចំណេះដឹងហិរញ្ញវត្ថុ ការអប់រំបែបឌីជីថល និងសុខុមាលភាព៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

In Case You Missed It