ទឹកចិត្តធំធេងណាស់! Bill Gate បរិច្ចាគ ២០ពាន់លានដុល្លារដល់មូលនិធិរបស់លោក

បរទេស៖ លោក Bill Gates បានប្រកាសកាលពីថ្ងៃពុធថាលោកបានបរិច្ចាគ ២០ ពាន់លានដុល្លារដល់មូលនិធិ Bill & Melinda Gates ក្នុងខែនេះ ខណៈដែលទីភ្នាក់ងារនេះ គ្រោងនឹងបង្កើនការចំណាយដ៏ច្រើនបែបនេះ របស់ខ្លួន នេះបើយោងតាមព័ត៌មានក្នុងស្រុក។

សហស្ថាបនិកក្រុមហ៊ុន Microsoft ដែលជាមហាសេដ្ឋីទីបួនរបស់ពិភពលោកបាន លើកឡើងមូលហេតុ ដោយចង្អុលឆ្ពោះ ក្រផោយផលវិបាក នៃជំងឺរាតត្បាតកូវីដ ១៩ ដែលកំពុងបន្ត ការធ្លាក់ចុះនៃសមភាពយេនឌ័រ និងសុខភាពរបស់ស្ត្រី ការប្រែប្រួលអាកាសធាតុ និងសង្គ្រាមរបស់រុស្ស៊ីលើអ៊ុយក្រែន ដែលជាបញ្ហាចម្បងមួយចំនួនដែលពិភពលោកកំពុងប្រឈមមុខនាពេលបច្ចុប្បន្ន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ លោកបានសង្ឃឹមថាតាមរយៈការផ្តល់ឱ្យកាន់តែច្រើន ពិភពលោក អាចកាត់បន្ថយទុក្ខលំបាកមួយចំនួនដែលមនុស្សកំពុងជួបប្រទះនៅពេលនេះ និងជួយបំពេញនូវចក្ខុវិស័យរបស់មូលនិធិដើម្បីផ្តល់ឱ្យមនុស្សគ្រប់រូបនូវឱកាសក្នុងការរស់នៅប្រកបដោយសុខភាពល្អ និងប្រកបដោយផលិតភាពដូច្នេះដែរ។

មូលនិធិ Bill & Melinda Gates Foundation បានបើកដំណើរការនៅឆ្នាំ 2000 បានបម្រើការជាអង្គការសប្បុរសធម៌ដ៏ធំបំផុតមួយរបស់ពិភពលោក។ ទៀតសោត Gates បានលាឈប់ពីតួនាទីប្រចាំថ្ងៃរបស់លោកនៅក្រុមហ៊ុន Microsoft ក្នុងឆ្នាំ ២០០៨ ដើម្បីចំណាយពេលវេលាបន្ថែមទៀតលើអង្គការមិនរកប្រាក់ចំណេញមួយនេះផងដែរ៕

ប្រភព៖ CNN

សូមទស្សនារូបភាពខាងក្រោម៖