ភេសជ្ជៈជំនួយសុខភាពបេះដូងទាំងនេះ គ្នាយើងមិនគួររំលងឡើយ!

ក្រៅពីលំហាត់ប្រាណ ការរក្សាទម្ងន់ឲ្យបានសមល្មម និងអាហារជាក់លាក់មួយចំនួន ភេសជ្ជៈក៏អាចជួយឲ្យចង្វាក់បេះដូងចុះទាបផងដែរ។ ជាក់ស្ដែង ការសិក្សាបានបង្ហាញថា ភេសជ្ជៈខ្លះមិនត្រឹមតែអាចជួយឲ្យចង្វាក់បេះដូងចុះទាបប៉ុណ្ណោះទេ ថែមទាំងអាចពង្រឹងសុខភាពបេះដូង បញ្ចុះសម្ពាធឈាម និងកូលេស្តេរូលថែមទៀតផង។ ដូច្នេះហើយ ដើម្បីជួយឲ្យមុខងារបេះដូងដំណើរការប្រក្រតី យើងមិនគួររំលងភេសជ្ជៈទាំងប៉ុន្មានមុខនេះឡើយ។

១. តែ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ តែសម្បូរទៅដោយសមាសធាតុជំនួយបេះដូង ដូចជាCatechins និង Polyphenols ដែលមានគុណប្រយោជន៍ប្រឆាំងនឹងការរលាក។ ការសិក្សាមួយលើមនុស្សចំនួន៨០ ០០០នាក់ក្នុងរយៈពេល៦ឆ្នាំ បានរកឃើញថា អ្នកដែលផឹកតែច្រើនជាងម្ដងក្នុងមួយខែមានការធ្លាក់ចុះកម្រិតកូលេស្តេរ៉ូលល្អ ១%ប៉ុណ្ណោះក្នុងមួយឆ្នាំ បើប្រៀបធៀបជាមួយអ្នកដែលមិនផឹកតែសោះ។ អ្នកស្រាវជ្រាវបានសន្មតថា ការផឹកតែអាចកាត់បន្ថយហានិភ័យនៃជំងឺសរសៃឈាមបេះដូងបានដល់ទៅ៨% ប៉ុន្តែចាំបាច់ត្រូវសិក្សាបន្ថែមទៀតអំពីផលប៉ះពាល់នៃការផឹកតែចំពោះសុខភាពបេះដូង។

២. តែMatcha

តែប្រភេទនេះ ជាម្សៅតែបៃតងរបស់ជប៉ុន ដែលអាចការពារប្រឆាំងនឹងជំងឺបេះដូងបាន។ ក្រុមអ្នកស្រាវជ្រាវបានរកឃើញថា តែបៃតងអាចជួយកាត់បន្ថយហានិភ័យនៃជំងឺសរសៃឈាមចំពោះបុរស ស្របពេលដែលការផឹកតែបៃតង (ច្រើនជាង៣ពែងក្នុងមួយថ្ងៃ) អាចកាត់បន្ថយហានិភ័យចំពោះស្ត្រី។

៣. ទឹកប៉េងប៉ោះស្រស់

យោងតាមការអង្កេតលើអ្នកជំងឺជប៉ុនបានរកឃើញថា ការផឹកទឹកប៉េងប៉ោះ ដែលគ្មានជាតិអំបិលមួយពែង អាចធ្វើឲ្យសុខភាពបេះដូងប្រសើរឡើង។ ការស្រាវជ្រាវបានណែនាំថា ទឹកប៉េងប៉ោះអាចធ្វើឲ្យសម្ពាធឈាម Systolic និងDiastolic ដំណើរការល្អ ព្រមទាំងជួយបន្ថយកូលេស្តេរ៉ូល lipoprotein ដែលមានដង់ស៊ីតេទាបប្រហែល៣%។

៤. ទឹកក្រូចឆ្មារស្រស់

ទន្ទឹមនឹងនេះដែរ ការញ៉ាំទឹកដោយបន្ថែមផ្លែក្រូច ជាវិធីសាស្ត្រដ៏អស្ចារ្យក្នុងការបង្កើនការញ៉ាំទឹក ក៏ដូចជាជួយការពារបេះដូងរបស់យើង។ ផ្លែក្រូចឆ្មារសម្បូរទៅដោយវីតាមីនC ដែលអាចជួយបង្ការជំងឺបេះដូង ជួយឲ្យកូលេស្តេរ៉ូលចុះទាប និងពង្រឹងសម្ពាធឈាមបានយ៉ាងល្អ។

ភេសជ្ជៈដែលគួរជៀសវាង

ប្រសិនបើចង្វាក់បេះដូងយើងចេះតែលោតញាប់ យើងគួរតែបញ្ឈប់ ឬជៀសវាងផឹកភេសជ្ជៈទាំងនេះ៖

ភេសជ្ជៈបង្កើនថាមពល
គ្រឿងស្រវឹង
ភេសជ្ជៈដែលមានជាតិកាហ្វេអ៊ីនច្រើនជ្រុល។

ចំណុចសំខាន់

ក្រៅពីលំហាត់ប្រាណ ការរក្សាទម្ងន់ខ្លួនឲ្យសមល្មម របបអាហារ និងភេសជ្ជៈជាក់លាក់មួយចំនួន ក៏អាចជួយពង្រឹងសុភាពបេះដូងផងដែរ តួយ៉ាងដូចជា៖

តែ
តែMatcha
ទឹកប៉េងប៉ោះស្រស់
ទឹកក្រូចឆ្មារស្រស់

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ភេសជ្ជៈជំនួយសុខភាពបេះដូងទាំងនេះ គ្នាយើងមិនគួររំលងឡើយ!

១. តែ​

២. តែ​Matcha

៣. ទឹក​ប៉េងប៉ោះ​ស្រស់​

៤. ទឹក​ក្រូច​ឆ្មារ​ស្រស់​

ភេសជ្ជៈ​ដែល​គួរ​ជៀសវាង