ថ្មីទៀត! អ្នកលក់គុយទាវ ប្រកាសសេងហាង ព្រោះតែលក់ដាច់ពេក

ថៃ៖ មានរឿងគួរឲ្យភ្ញាក់ផ្អើលពេញក្រុងបាងកក ជាមួយនឹង ហាងគុយទាវរទះរុញ បើក​លក់​នៅ​ផ្លូវ​សុខុម​វីត ជិត​ផ្សារ​ទំនើប​រ៉ា​យ៉ង ក្រុង​រ៉ាក់យ៉ង ស្រុក​មឿង​រ៉ា​យ៉ង បានដាក់ផ្លាកថាសេងហាង ព្រោះតែ «លក់ដាច់ពេក គ្មានពេញសម្រាក» នេះបើតាមព័ត៌មានក្នុងស្រុកបានចេញផ្សាយ។

ជាមួយគ្នានេះដែរ ​អ្នកស្រី ប៊ុន សិរិចន្ថារឿឌី អាយុ​៥៩​ឆ្នាំ ម្ចាស់​ហាង​គុយទាវ បានលើកឡើងថា អ្នកស្រីបានប្រកបរបរលក់គុយទាវក្នុងខេត្តរ៉ាយ៉ុង អស់រយៈពេល២០ឆ្នាំមកហើយ ដោយលក់មួយថ្ងៃពីរដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុដូច្នេះ ព្រោះតែលក់ដាច់ដូចគ្នា អត់មានពេលសម្រាក ខំលក់ដូរ ២០ ឆ្នាំ ហត់នឿយពេញមួយគ្រួសារ ចង់ឈប់មួយកន្លែង ចង់សម្រាក ចង់ប្តូរមកលក់តែមួយកន្លែងនៅពេលថ្ងៃ ក៏សម្រេច​ចិត្ត​ដាក់​ស្លាក​​ប្រកាស​សេងហាងតែម្តង។

យ៉ាងណាមិញ ជាមួយនឹងការសរសេរចំណងជើង ប្លែកបែបនេះ បានធ្វើឲ្យអ្នកបានជិះកាត់ឃើញ យកមកផ្តិតថតបង្ហោះនៅលើបណ្តាញសង្គម ក៏បានក្លាយជាប្រធានបទ ទៅនឹងមូលហេតុបែបនេះ ព្រោះតែជាទូទៅ គេសេងហាង ព្រោះតែលក់មិនដាច់ តែខុសអីហ្នឹង ហាងអ្នកស្រី ចង់ឈប់លក់សេងហាង ព្រោះលក់ដាច់ទៅវិញ៕

ប្រភព៖ Sanook

សូមទស្សនារូបភាពខាងក្រោម៖