ការរៀបចំខ្លួន មុនទៅប្រកួតលើឆាកអន្តរជាតិ ឌី បញ្ញាវិមាលា លេងខ្លួនឡើងខ្ញង់ៗ

ភ្នំពេញ៖ អាចនិយាយបានថា Miss Teen International Cambodia 2021 កញ្ញា ឌី បញ្ញាវិមាលា ជាបវរកញ្ញាវ័យក្មេងមួយរូប ដែលនឹងត្រៀមខ្លួនទៅចូលរួមប្រកួតលើឆាកអន្តរជាតិក្នុងកម្មវិធី Miss Teen International នាពេលខាងមុខឆាប់ៗនេះ។ ពិតណាស់អស់រយៈពេលជាច្រើនខែដែលនាងបានរង់ចាំ ព្រមទាំងហ្វឹកហាត់ទាំងការដើរម៉ូត និងចំណេះដឹង ដើម្បីបង្ហាញពិភពលោកបានដឹងថាយុវតីកម្ពុជាមានសមត្ថភាពខ្លាំង។ 

ជាមួយគ្នានេះដែរ ក្រៅពីប្រឹងប្រែងពង្រឹងសមត្ថភាពដើម្បីត្រៀមយកទៅប្រកួត គេឃើញកញ្ញា ឌី បញ្ញាវិមាលា ក៏បានទទួលការងារជាច្រើនជាបន្តបន្ទាប់ ហើយរាល់ការងាររបស់នាងមិនធ្វើឲ្យប៉ះពាល់ដល់ការសិក្សាឡើយ។ ម្យ៉ាងភាគច្រើនគេតែងឃើញបវរកញ្ញារូបនេះទទួលថតដូចជា ស្ពតពាណិជ្ជកម្ម រឿងអប់រំ ថតសម្អាងការ និងថតម៉ូតជាដើម។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង បន្ទាប់ពីគ្រងតំណែង Miss Teen International Cambodia គេសង្កេតឃើញថាសម្រស់របស់យុវតីរូបនេះ កាន់តែស្រស់ស្អាតប្លែកជាងមុន។ លើសពីនេះទៅទៀត គ្រប់ពេលនាងរៀបចំខ្លួន ផាត់មុខ ស្លៀកឈុតច្នៃថ្មីៗម្ដងៗ មើលទៅស្រស់សោភាគួរឲ្យចាប់អារម្មណ៍ខ្លាំងតែម្ដង។ ហើយរូបភាពដែលនាងបង្ហោះម្ដងៗ តែងតែទទួលបានការសរសើរពីអ្នកលេងបណ្ដាញសង្គមគ្រប់គ្នាផងដែរ៕ 

សូមទស្សនារូបភាពខាងក្រោម៖

• រូបភាព
• តារាខ្មែរ