បើកបង្ហាញផ្ទះ រាប់លានដុល្លាររបស់ Jennifer Lopez ក្រោយរៀបការរួច

បរទេស៖ ថ្មីៗនេះ យោងតាមប្រភព Daily Mail បានបង្ហាញថា បន្ទាប់ពី បានក្លាយជាប្តីប្រពន្ធជាផ្លូវការ កាលពីថ្ងៃទី ១៦ ខែកក្កដាកន្លងទៅនេះ តារាស្រី Jennifer Lopez និងស្វាមី លោក Ben Affleck បានសម្រេចចិត្តរៀបចំពិធីជប់លៀង នៅឯផ្ទះប្រណីតមួយកន្លែង តម្លៃប្រមាណ ៩ លានដុល្លារ។

តាមប្រភពដដែលនេះ បានឲ្យដឹងទៀតថា ផ្ទះវីឡាមួយនេះ មានទីតាំងនៅមាត់ទន្លេនៃរដ្ឋ Georgia និងត្រូវបានទិញដោយលោក Ben Affleck ​ក្នុង​ឆ្នាំ ២០០៣ ក្នុងតម្លៃ ៧ លានដុល្លារ ខណៈ​កំពុង​ទាក់ទងគ្នា​ជាមួយនឹង Jennifer ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទះវីឡាដ៏ធំស្កឹមស្កៃនេះ មានទំហំជាង ៥៥៧ម៉ែត្រការ៉េ មានបន្ទប់គេង ៤ និងបន្ទប់ទឹក ៤ និងស្ថិតនៅលើច្រាំងទន្លេ North Newport River ដោយត្រូវបានរចនាឡើងតាមរចនាប័ទ្មក្រិក Renaissance ព្រមទាំងត្រូវបានចាត់ទុកថា ជាកន្លែងដ៏ស្រស់ស្អាតបំផុតមួយនៅក្នុងតំបន់ ជាមួយនឹងខ្យល់អាកាសស្រស់ស្រាយ ក៏ដូចជា ជាកន្លែងដ៏ល្អឥតខ្ចោះ ដើម្បីរីករាយនឹងទេសភាពដ៏ស្រស់ត្រកាលនៃទន្លេ ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ