គីសទឹកក្រពេញអូវែមិនត្រឹមតែប៉ះពាល់ដល់រូបរាង និងទម្ងន់ប៉ុណ្ណោះទេ ប៉ុន្តែបញ្ហាសុខភាពមួយនេះក៏អាចជះឥទ្ធិពលអាក្រក់ដល់សរសៃសក់ និងស្បែករបស់យើងដូចគ្នា។ ពិតណាស់ ប្រសិនបើមិនរកវិធីដោះស្រាយឲ្យទាន់ពេលវេលាទេនោះ វានឹងអាចបណ្ដាលឲ្យយើងទំពែកតែម្ដង។
កត្តាបង្ក និងរោគសញ្ញានៃជំងឺគីសទឹកក្រពេញអូវែ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ត្រីដែលកើតជំងឺនេះ ច្រើនតែមករដូវមិនទៀង ឬមានការមករដូវរយៈពេលយូរ ដោយសារតែមានកម្រិតអ័រម៉ូនបុរសច្រើនជ្រុល។ រោគសញ្ញាសំខាន់ៗនៃគីសទឹកក្រពេញអូវែ រួមមាន ការមករដូវមិនទៀងទាត់ ឬមិនមករដូវ មករដូវច្រើនជ្រុល ឬដុះរោមនៅលើមុខ និងដងខ្លួនច្រើនខុសធម្មតា កើតមុនទាំងនៅលើមុខ និងខ្លួន ឈឺអាងត្រគាក ពិបាកមានគភ៌ ហើយស្បែកឡើងក្រាស់ និងស្រអាប់។
ហេតុអ្វីគីសទឹកក្រពេញអូវែប៉ះពាល់ដល់សក់?
អ័រម៉ូនបុរសត្រូវបានផលិតដោយធម្មជាតិនៅក្នុងអូវែ ក្រពេញអាដ្រេណាល់ (Adrenal) និងកោសិកាខ្លាញ់នៃរាងកាយរបស់ស្ត្រី។ ជាក់ស្ដែង អ័រម៉ូននេះមានតួនាទីសំខាន់ក្នុងការធ្វើឲ្យរោមក្លៀក និងរោមតំបន់ពិសេសដុះលូតលាស់។ ប៉ុន្តែ អំឡុងពេលមករដូវ អ័រម៉ូនបុរសទាំងនេះនឹងបំប្លែងទៅជាអ័រម៉ូនអឹស្ត្រូសែន។ យ៉ាងណាមិញ បើយើងកើតគីសទឹកក្នុងក្រពេញអូវែ នោះអូវែនឹងប្រែទៅជាដុំគីស ព្រមទាំងផលិតអ័រម៉ូនបុរសច្រើនជ្រុល ក៏ដូចជារារាំងការលូតលាស់នៃឫសសក់ និងបណ្ដាលឲ្យជ្រុះសក់។
កំពូលអាហារ៤ប្រភេទ ប្រឆាំងនឹងបញ្ហាសក់ជ្រុះបណ្ដាលមកពីបញ្ហាគីសក្រពេញអូវែ
១. វីតាមីន
ពពួកវីតាមីនD វីតាមីនB12 និងជាតិដែកមានសារសំខាន់ណាស់ ដើម្បីជួយទ្រទ្រង់ការលូតលាស់នៃសរសៃសក់។ ដូចនេះហើយ យើងគួរតែញ៉ាំអាហារបំប៉នដែលផ្សំពីវីតាមីនទាំងនេះភ្លាមៗ ប្រសិនបើរាងកាយខ្វះវីតាមីន រហូតដល់កម្រិតវីតាមីនទាំងប៉ុន្មានមុខនេះ ត្រលប់មករកភាពប្រក្រតីវិញ។
២. បន្លែ
ជាមួយគ្នានេះដែរ យើងមិនគួររំលងការញ៉ាំបន្លែ និងប្រូតេអ៊ីនឡើយ។ បន្ថែមពីនេះ កុំភ្លេចកាបូអ៊ីដ្រាត ដែលមានដូចជាអង្ករសម្រូប និងOatmeal ក៏ជាអាហារដ៏ស័ក្ដិសមផងដែរ។
៣. អូមេហ្គា-៣
មួយវិញទៀត យើងគួរបន្ថែមអូមេហ្គា៣ទៅក្នុងរបបអាហារ ដែលមានដូចជាត្រីសាម៉ុន ត្រីធូណា គ្រាប់ជី និងប្រភេទប្រេងរុក្ខជាតិ (ប្រេងសណ្តែកសៀង។)
៤. ប្រូតេអ៊ីន
ប្រភពប្រូតេអ៊ីន ដែលរួមមានអាហារបានមកពីសាច់សត្វ ស៊ុត ទឹកដោះគោ បន្លែ ផ្លែឈើ និងគ្រាប់ធញ្ញជាតិ សុទ្ធតែជាអាហារដែលមិនអាចខ្វះបាន ដើម្បីឲ្យរាងកាយមានសុខភាពល្អ ក៏ដូចជាជួយឲ្យសរសៃសក់រឹងមាំមិនងាយជ្រុះ។
ចំណុចសំខាន់
គីសទឹកក្រពេញអូវែ មិនត្រឹមតែប៉ះពាល់ដល់រូបរាង និងទម្ងន់ប៉ុណ្ណោះទេ ប៉ុន្តែវាក៏អាចជះឥទ្ធិពលអាក្រក់ដល់សរសៃសក់ និងស្បែករបស់យើងដូចគ្នា។ ដើម្បីកាត់បន្ថយបញ្ហាសក់ជ្រុះ ដោយសារជំងឺគីសទឹកក្រពេញអូវែ យើងចាំបាច់បញ្ចូលវីតាមីន បន្លែ អូមេហ្គា-៣ និងប្រូតេអ៊ីនទៅក្នុងរបបអាហារ ទើបជាការប្រសើរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
