ភ្នំពេញ៖ កញ្ញា ឌី បញ្ញាវិមាលា ជាយុវតីដំបូងគេដែលក្លាយជាបវរកញ្ញា Miss Teen International Cambodia។ ពិតណាស់ បើទោះបីនាងនៅវ័យក្មេងអាយុទើបតែ១៥ឆ្នាំ ប៉ុន្តែសមត្ថភាព ទេពកោសល្យ និងចំណេះដឹងនាងល្អខ្លាំងតែម្ដង។ ម្យ៉ាងនាងមានរូបសម្ផស្សស្រស់ស្អាត ព្រមទាំងរូបរាងស្អាត ហើយនឹងមានកម្ពស់ខ្ពស់ល្អផងដែរ។
យ៉ាងណាមិញ បន្ទាប់ពីគ្រងតំណែង Miss Teen International Cambodia កញ្ញា ឌី បញ្ញាវិមាលា ពិតជាខំប្រឹងប្រែងពង្រឹងសមត្ថភាពខ្លួន ដើម្បីត្រៀមយកទៅប្រកួតលើឆាកអន្តរជាតិផងដែរ។ លើសពីនេះទៅទៀត គេដឹងថានាងក៏មមាញឹកនឹងការសិក្សាក៏ដូចជាការងារសិល្បៈមួយចំនួនដូចជា ថតរឿងអប់រំខ្លី ថតម៉ូត និងថតស្ពតពាណិជ្ជកម្មជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង ទន្ទឹមនឹងរង់ចាំថ្ងៃចេញទៅប្រកួតលើឆាកអន្តរជាតិខិតជិតនឹងមកដល់ ថ្មីៗនេះកញ្ញា ឌី បញ្ញាវិមាលា បានបង្ហាញឈុតតំណាងជាតិ ដែលត្រៀមយកទៅប្រកួតក្នុងកម្មវិធី Miss Teen International។ ដោយឈុតតំណាងជាតិរបស់នាង មានឈ្មោះ « អប្សរស្រីនៃល្ខោនស្បែកធំ» ស្បែកធំជាទស្សនីយភាពប្រភេទស្រមោល ដែលបានមកពីការចម្លាក់លើស្បែកគោដែលដាប់ទម្លុះ ចម្លាក់ក្បាច់ដែលជាប្រភេទបែបគំនូរបុរាណខ្មែរ។ ខោនស្រមោលស្បែកធំត្រូវបានចុះបញ្ជីបេតិកភណ្ឌវប្បធម៌អរូបីយនៃមនុស្សជាតិនៅថ្ងៃ ២៥ ខែ វិច្ឆិកាឆ្នាំ២០០៥របស់អង្គការUNESCO។ សិល្បៈល្ខោនស្រមោលស្បែកធំ ជាប្រភេទសិល្បៈសក្ការ: ព្រះទម្រង់នេះមានសម្ដែងតែរឿងរាមកេរ្ដិ៍មួយតែប៉ុណ្ណោះ ដែលជាទេវកថាបង្ហាញពីមហាទ្ធិឫទ្ធិព្រះរាមជាអវតារបស់ព្រះនរាយណ៍ ហើយនឹងមិនមានសម្ដែងអ្វីក្រៅពីរឿងនេះឡើយ។ ឈុតនេះចង់បង្ហាញពីសម្បត្តិជាតិមួយអំពីល្ខោនស្រមោលស្បែកនេះឯង។ សព្វថ្ងៃយើងក៏ពុំសូវឃើញនូវការសម្ដែងនេះជារឿយៗទាល់តែសោះ៕
ដំឡើដោយ៖ Dara Piseth
គូររូបដោយ៖ Vasna soeung
កាត់ដេរដោយ៖ Den Dano នាវតី សំអាងការ
ថតដោយ៖ M I R R O R S T U D I O
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
