អភិបាល​ខេត្ត​ព្រះសីហនុ ត្រូវ​តាម​ដាន​ជនជាតិ​នីហ្សេរីយ៉ា ​កើត​ជំងឺ​អុ.តស្វា ​បាន​ភៀស​ខ្លួន​មក​កម្ពុជា ​ពី​ប្រទេស​ថៃ

ព្រះសីហនុ៖ ឯកឧត្តម គួច ចំរើន អភិបាលខេត្តព្រះសីហនុ បានណែនាំដល់មន្ត្រីទាំងអស់ក្នុងខេត្តនេះ ឲ្យមានការប្រុងប្រយ័ត្ន ចំពោះបុរសជនជាតិនីហ្សេរីយ៉ាម្នាក់ ដែលរាយការណ៍ថា មានរោគអុតស្វា ហើយបានភៀសខ្លួនពីប្រទេសថៃ មកកាន់ខេត្តព្រះសីហនុ របស់កម្ពុជា។

ជាក់ស្តែងក្នុងសារជាសំឡេងដែលលោកផ្ញើនៅរសៀលថ្ងៃទី២៣ ខែកក្កដា ឯកឧត្តម មានប្រសាសន៍ថា ប្រសិនបើបុរសនោះត្រូវបានរកឃើញនៅទីណាក៏ដោយ អាជ្ញាធរត្រូវតែរាយការណ៍មកក្រសួងសុខាភិបាល ដើម្បីសុំអន្តរាគមន៍ជាបន្ទាន់ ដើម្បីការពារកុំឱ្យមានការរីករាលដាលនៃជំងឺស្វា។ ដោយក្នុងនោញលោក​បាន​ថ្លែង​ថា​៖ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោង​តាម​រដ្ឋបាល​ខេត្ត​ បុរស​នេះ​ត្រូវ​បាន​កំណត់​អត្តសញ្ញាណ​មានឈ្មោះ Osmond Chihazirim Nzerem ដែល កាសែតបាងកកប៉ុស្តិ៍បានរាយការណ៍នៅ ថ្ងៃនេះថាបុរសជនជាតិនីហ្សេរីយ៉ាអាយុ ១៧ ឆ្នាំរូបនេះ ត្រូវបានបញ្ជាក់ដោយការធ្វើតេស្តមន្ទីរពិសោធន៍ក្នុងប្រទេសថៃថាជាករណីដំបូងរបស់ប្រទេសថៃនៃជម្ងឺអុតស្វា តែបានលួចរត់ចេញពីកន្លែងស្នាក់នៅ មុនពេលដែលមន្ទីរពេទ្យប្រទេសថៃយករថយន្តទៅទទួលព្យាបាល៕

ប្រភព៖ phnompenhpost

សូមទស្សនារូបភាពខាងក្រោម៖