មួយឈុតពណ៌លឿង ឌី បញ្ញាវិមាលា ស្លៀកប្លែក ហើយលេចធ្លោ

ឥណ្ឌា៖ ពិតណាស់ កាលពីថ្ងៃទី ២២ ខែ កក្កដា ឆ្នាំ ២០២២ បវរកញ្ញាយុវតីអន្តរជាតិកម្ពុជា២០២១ កញ្ញា ឌី បញ្ញាវិមាលា បានចេញដំណើរទៅកាន់ប្រទេសឥណ្ឌា ដើម្បីទៅចូលរួមប្រកួតលើឆាកអន្តរជាតិក្នុងកម្មវិធី Miss Teen International។ ពិតណាស់ បើទោះបីជាយុវតីរូបនេះទើបតែមានវ័យ១៥ឆ្នាំ ប៉ុន្តែនាងមានភាពក្លាហានក្នុងការធ្វើដំណើរចេញទៅប្រកួតលើឆាកអន្តរជាតិតែម្នាក់ឯង។ 

លើសពីនេះទៅទៀត ស្របពេលចញលរួមប្រកួតក្នុងកម្មវិធី Miss Teen International កញ្ញា ឌី បញ្ញាវិមាលា បានរៀបចំខ្លួនយ៉ាងសមសួន មើលទៅស្រស់ស្អាតរាល់ថ្ងៃតែម្ដង។ ម្យ៉ាងវិញទៀត ទោះត្រូវផាត់មុខខ្លួនឯងក៏មើលទៅស្អាត ចំណែកសម្លៀកបំពាក់មានម៉ូតថ្មីប្លែកជានិច្ច។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង អ្វីដែលកាន់តែចាប់អារម្មណ៍នោះ Miss Teen International Cambodia 2021 រូបនេះ ទើបតែបង្ហោះរូបភាពថ្មី ស្លៀកឈុតពណ៌លឿង មានស្បៃវែង ឃើញថាប្លែក ហើយសាកសមនឹងនាងខ្លាំង។ ម្យ៉ាងឈុតមួយនេះ មើលមួយភ្លែតស្រដៀងនឹងសម្លៀកបំពាក់ឥណ្ឌាបន្តិចបន្តួចផងដែរ ដែលនេះគឺជាការច្នៃថ្មីផងដែរ។ គួរបញ្ជាក់ផងដែរថា បវរកញ្ញាយុវតីអន្តរជាតិកម្ពុជារូបនេះកំពុងនៅប្រទេសឥណ្ឌា ដើម្បីប្រកួតតំណាងឲ្យយុវតីកម្ពុជាលើឆាកពន្តរជាតិក្នុងកម្មវិធី Miss Teen International 2022៕

សូមទស្សនារូបភាពខាងក្រោម៖

• រូបភាព
• តារាខ្មែរ