ថតវីដេអូ សកម្មភាពនិងពាក្យសំដីមិនសមរម្យ ពេលនេះស្នងការ កោះហៅមកអប់រំ

ភ្នំពេញ៖ ដោយអនុវត្តបទបញ្ជារបស់ឯកឧត្តម​ ឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការនគរបាលរជធានីភ្នំពេញ​ បានកោះហៅមកអប់រំ ទៅនឹង គណនីផេកហ្វេសបុកមួយដែលមានឈ្មោះថា Kaa Offical​ បន្ទាប់ពីចេញវិដេអូ សកម្មភាពនិងពាក្យសំដីមិនសមរម្យ លើបណ្តាញសង្គមហ្វេសប៊ុក។

បន្ទាប់ពីបានឃើញ បានផុសឃ្លីបវីដេអូចំណងជើងថា «វិប្បដិសារី» នៅលើសណ្តាញសង្គមហ្វេសបុក ទាក់ទងទៅនឹងសកម្មភាពបុរស០២នាក់ សម្តែងសកម្មភាព​ ដោយនិយាយពាក្យពេជន៍ អសីលធម៌ អាសអាភាស កាលពីថ្ងៃទី២៣ ខែកក្កដា ឆ្នាំ២០២២ ដែលធ្វើឲ្យប៉ះពាល់ធ្ងន់ធ្ងរដល់សីលធម៌សង្គម ហើយក៏មានការផ្ទះប្រតិកម្មពីសំណាក់អ្នកប្រើប្រាស់បណ្តាញសង្គមផងដែរ​ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែង នាព្រឹកថ្ងៃទី២៦ ខែកក្កដា ឆ្នាំ២០២២ ការិយាល័យប្រឆាំងបទល្មើសបច្ចេកវិទ្យា នៃផែនការងារសន្តិសុខ សហការជាមួយផែនការងារប្រឆាំងការជួញដូរមនុស្ស និងយេនឌ័រ បានធ្វើការកោះហៅបុគ្គលទាំង០៣នាក់ ឲ្យចូលខ្លួនមកធ្វើកិច្ចសន្យា និងសុំទោសជាសាធារណ:នូវកំហុសរបស់ខ្លួនដោយបុគ្កលទាំង០៣នាក់រួមមាន៖

១- ឈ្មោះ វណ្ណា ឌី ភេទប្រុស អាយុ៦០ឆ្នាំ មុខរបរសិល្បៈករ (តួសម្តែង)

២- ឈ្មោះ ងួន ពិសី ភេទប្រុស អាយុ១៨ មុខរបរ សិល្បៈករ

៣- ឈ្មោះ ពៅ ដេវីដ ភេទប្រុស អាយុ២៩ឆ្នាំ មុខរបរ អ្នកគ្រប់គ្រងផេក

ក្រោយពីបានដឹងខ្លួនសាងកំហុស ក៏ដូចជាទទួលស្គាល់កំហុស ក្រុមសម្តែងមួយនេះ ក៏បានធ្វើការចេញជាវិដេអូសុំទោស និងធ្វើកិច្ចសន្យានៅស្នងការនគរបាលរដ្ឋានរាជធានីភ្នំពេញ និងសុំទោសបងប្អូប្រជាពលរដ្ឋខ្មែរ ដោយសន្យាលែងមានជាលើកទី ២ ទៀតហើយ៕

ប្រភព៖ ស្នងការដ្ឋាននគរបាលរាជធានីភ្នំពេញ

សូមទស្សនារូបភាពខាងក្រោម៖