ចាញ់ក្ដីអតីតប្រពន្ធ Brad Pitt ជះលុយរាប់លាន ទិញផ្ទះប្រណីតឡើងរំភើយ

បរទេស៖ ថ្មីៗនេះ យោងតាមកាសែត New York Post បានបង្ហាញថា តារាសម្ដែង លោក Brad Pitt បានចំណាយប្រាក់ចំនួន ៤០ លានដុល្លារ ដើម្បីកាន់កាប់វិមានមួយកន្លែង ដែលមានអាយុជិតមួយសតវត្សនៅតំបន់ខ្ពង់រាប Carmel តាមបណ្តោយឆ្នេរសមុទ្រ នៃរដ្ឋកាលីហ្វ័រញ៉ា សហរដ្ឋអាមេរិក។

តាមរយៈប្រភព​ដដែលនេះ បាន​ឲ្យ​ដឹង​ថា ភូមិគ្រឹះ​មួយនេះ ​មិន​ត្រូវ​បាន​ដាក់​លក់​ជា​សាធារណៈ​ទេ។ ហើយនេះក៏​មាន​ន័យ​ថា​ តារា​ហូលីវូដ​ លោក Brad Pitt បានចរចា​តម្លៃ​ជាក់លាក់​ ជាមួយនឹង​ម្ចាស់​​អចលនទ្រព្យនេះ ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទះមួយនេះដែរ មានអាយុកាល តាំងពីឆ្នាំ ១៩១៨ ហើយត្រូវបានរចនាឡើង ដោយស្ថាបត្យករដ៏ល្បីល្បាញ Charles Sumner Green នៅដើមសតវត្សទី ២០។ តាមកាសែត New York Post បានសរសេរថា ផ្ទះនេះត្រូវបានសាងសង់ពីថ្មភក់ និងថ្មក្រានីត ជាមួយនឹងបង្អួចរាងកោង និងដំបូលប្រក់ក្បឿង។ ហើយអ្វីដែលអស្ចារ្យអំពីអចលនទ្រព្យនោះ គឺទិដ្ឋភាពដ៏ធំទូលាយនៃមហាសមុទ្រប៉ាស៊ីហ្វិក៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ