អុញ! Shakira ប្រឈមមុខជាប់ពន្ធធនាគារ ៨ឆ្នាំ ក្រោយពី….

បរទេស៖ នេះបើតាម ​ឯកសារ​ការិយាល័យ​របស់​រដ្ឋអាជ្ញា​មួយ​បាន​លាតត្រដាង​ឲ្យ​ដឹង​ថា រដ្ឋអាជ្ញា​អេ​ស្ប៉ា​ញ​កំពុង​ស្វែងរក​ កំហុស ​សម្រាប់​តារា​ឆ្នើម​សញ្ជាតិ​កូឡុំប៊ី Shakira ជុំវិញ​ករណី​បន្លំ​ពន្ធ​ចំនួន ១៤.៥ លាន​អឺរ៉ូ (ប្រហែល១៤.៨ លាន​ដុល្លារ) ។

ជាក់ស្តែង តារាស្រីរូបនេះ បានច្រានចោលការផ្តល់ជូនដំណោះស្រាយពីការិយាល័យរបស់ព្រះរាជអាជ្ញា ដើម្បីបិទសំណុំរឿងនេះ ក្រោយពីនាងត្រូវបានចោទប្រកាន់ពីបទខកខានមិនបានបង់ពន្ធរវាងឆ្នាំ ២០១២ និង២០១៤ តែ Shakira និយាយថានាងមិនបានរស់នៅក្នុងប្រទេសអេស្ប៉ាញ ក្នុងកំឡុងពេលនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ឯកសាររបស់ព្រះរាជអាជ្ញាដែលមើលឃើញ អះអាងថា Shakira ជាធម្មតារស់នៅក្នុងប្រទេសអេស្ប៉ាញចន្លោះឆ្នាំ ២០១២ និង ២០១៤ មិនត្រឹមតែប៉ុណ្ណោះ នៅក្នុងខែឧសភា ឆ្នាំ ២០១២ បានទិញផ្ទះមួយនៅទីក្រុង Barcelona សម្រាប់ផ្តល់កំណើត ឲ្យកូនប្រុសរបស់នាងដែលកើតនៅប្រទេសអេស្ប៉ាញក្នុងឆ្នាំ ២០១៣ ។

អ្វីដែលចាប់អារម្មណ៍ ឯកសារ​នេះ​បាន​ស្នើសុំ​ឱ្យ​មាន​ការ​កាត់ទោស​ដាក់​ពន្ធនាគារ​រយៈពេល ៨ ឆ្នាំ និង​ពិន័យ​ជា​ប្រាក់​ជាង ២៣ លាន​អឺរ៉ូ ប្រសិនបើ​នាង​ត្រូវ​បាន​រក​ឃើញ​ថា​មាន​កំហុស។ 

រហូតមកដល់ពេលនេះ អ្នកតំណាងរបស់ Shakira បានធ្វើសេចក្តីថ្លែងការណ៍មុនដែលចេញផ្សាយកាលពីថ្ងៃពុធ ដោយនិយាយថា តារាចម្រៀងមានទំនុកចិត្តទាំងស្រុងចំពោះភាពគ្មានកំហុសរបស់នាង ហើយថានាងបានចាត់ទុកករណីនេះថាជាការរំលោភសិទ្ធិរបស់នាងទាំងស្រុង។

ទៀតសោត តារា​ចម្រៀង​វ័យ ៤៥ ឆ្នាំ​រូប​នេះ​បាន​និយាយ​ថា​នាង​បាន​បង់​ប្រាក់​ឲ្យ​អាជ្ញាធរ​ពន្ធ​ចំនួន ១៧,២ លាន​អឺរ៉ូ ដែល​ការិយាល័យ​ពន្ធដារ​អេស្ប៉ាញ​បាន​និយាយ​ថា​នាង​ជំពាក់ ហើយ​បាន​អះអាង​ថា​នាង​មិន​មាន​បំណុល​នៅ​សល់​នោះ​ទេ៕

ប្រភព៖ theguardian

សូមទស្សនារូបភាពខាងក្រោម៖

• តារាអន្តរជាតិ