ជីវិតកាន់តែស្រស់ គ្រាន់តែផ្ទះប្រណីតរបស់ Adele តម្លៃរាប់លានដុល្លារ

បរទេស៖ អាចនិយាយបានថា តារាចម្រៀងស្រី Adele គឺជាករណីពិសេសមួយ នៃឧស្សាហកម្មតន្ត្រីពិភពលោក ដែលទទួលបានប្រជាប្រិយភាពយ៉ាងខ្លាំង រហូតដល់អាចរកចំណូលបានយ៉ាងច្រើន និងត្រូវបានគេរពឹងថាមាន ទ្រព្យសម្បត្តិប្រមាណជាង ២០០លានដុល្លារ ថែមទៀត។

ងាកមកចាប់អារម្មណ៍ជីវិត របស់តារាស្រីរូបនេះវិញ ក៏ត្រូវបានគេដឹងថា រូបនាង មាន​បុគ្គលិក​ ដែល​រួម​បញ្ចូល​ទាំង​អ្នក​រចនា​ម៉ូដ គ្រូ​បង្វឹក​ផ្ទាល់​ខ្លួន ជំនួយការ និង​អង្គរក្ស​មួយ​ចំនួន​ទៀត។ ជាពិសេស ទ្រព្យសម្បត្តិដំបូងគេបង្អស់របស់នាង គឺវិមាន Sussex ដែលមានបន្ទប់គេង ១០ និងមានតម្លៃ ៣ លានដុល្លារ ហើយអចលនទ្រព្យនេះ នាងបានទិញក្នុងឆ្នាំ ២០១២ ខណៈដែលអាជីពរបស់នាងបានចាប់ផ្ដើម បន្ទាប់ពីមានភាពជោគជ័យជាបន្តបន្ទាប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត នៅក្នុងឆ្នាំ ២០១៦ តារាចម្រៀងរូបនេះ បានបន្តទិញផ្ទះនៅ Beverly Hills ក្នុងតម្លៃ ៩,៥ លានដុល្លារ ដោយមានបន្ទប់គេង ៤ បន្ទប់ទឹក ៦ និងអាងហែលទឹកមួយ។ ហើយ​ថ្មី​ៗ​នេះ Adele ក៏បាន​ទិញ​ផ្ទះ​ទី​៣ ដែលជាផ្ទះវីឡា មានបន្ទប់គេង ៤ បន្ទប់ទឹក ៤ មានអាងហែលទឹក និងទីលានបាល់បោះ ក្នុងតម្លៃ ៩,៩៥ លានដុល្លារ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ