ពិតណាស់ ដបប្លាស្ទិកផ្ទុកទៅដោយសារធាតុគីមី និងបាក់តេរីផ្សេងៗ។ ដបទាំងនេះមិនត្រឹមតែប៉ះពាល់ដល់បរិស្ថានប៉ុណ្ណោះ វាក៏អាចបង្កផលប៉ះពាល់ដល់សុខភាពរបស់យើងយ៉ាងធ្ងន់ធ្ងរដូចគ្នា។
ផលប៉ះពាល់នៃការញ៉ាំទឹកដោយប្រើដបប្លាស្ទិក
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ប៉ះពាល់ដល់ប្រព័ន្ធភាពស៊ាំ
គ្នាយើងមិនគួរដាក់ទឹកសម្រាប់ផឹកនៅក្នុងដបប្លាស្ទិកនោះទេ ពីព្រោះសារធាតុគីមីនៅក្នុងដបប្លាស្ទិកអាចឆ្លងចូលទៅក្នុងរាងកាយយើង ក៏ដូចជាអាចរំខានដល់ប្រព័ន្ធភាពស៊ាំផងដែរ។
២. ជំងឺមហារីកថ្លើម និងចំនួនមេជីវិតឈ្មោលថយចុះ
សារធាតុគីមីមួយឈ្មោះថាPhthalates នៅក្នុងប្លាស្ទិក អាចនាំឲ្យមានបញ្ហាសុខភាពមួយចំនួន ដូចជាជំងឺមហារីកថ្លើម និងចំនួនមេជីវិតឈ្មោលថយចុះ។ ការសិក្សាថ្មីមួយបានបង្ហាញថា មានកម្រិតMicroplasticsច្រើនលើសលប់នៅក្នុងដបទឹកប្លាស្ទិក ដែលយើងគួរប្រុងប្រយ័ត្ន ក៏ដូចជាបញ្ឈប់ការប្រើប្រាស់ដបប្លាស្ទិកឲ្យបានកាន់តែឆាប់កាន់តែប្រសើរ។
៣. បង្កើតសារធាតុBPA
ទន្ទឹមនឹងនេះដែរ សារធាតុគីមីដូចជាBiphenyl A អាចបណ្តាលឲ្យមានបញ្ហាសុខភាពផ្សេងៗដូចជាទឹកនោមផ្អែម ធាត់ជ្រុល បញ្ហាអត់កូន បញ្ហាអត្តចរិត និងធ្វើឲ្យក្មេងស្រីឆាប់មានរដូវ។
៤. ការផលិតសារធាតុគីមីDioxin
ជាមួយការប៉ះពាល់ទៅនឹងពន្លឺព្រះអាទិត្យ ដបប្លាស្ទិកអាចនាំឲ្យលេចធ្លាយសារធាតុគីមី និងបញ្ចេញសារធាតុគីមីដែលបង្កគ្រោះថ្នាក់ដូចជា សារធាតុគីមី Dioxin ដែលបង្កើនហានិភ័យនៃការកើតជំងឺមហារីកសុដន់។
ចំណុចសំខាន់
ក្រៅពីបង្កផលប៉ះពាល់ដល់សុខភាពរបស់យើង ដបប្លាស្ទិកក៏បំផ្លាញដល់បរិស្ថានផងដែរ។ លើសពីនេះ សំរាមប្លាស្ទិកភាគច្រើនត្រូវបានរក្សាទុកនៅកន្លែងចាក់សំរាម និងប្រភពទឹក ដែលអាចបង្កផលរំខានដល់ជីវិតសត្វក្នុងទឹក និងបំពុលដីថែមទៀតផង។ ដូច្នេះហើយ យើងគួរជ្រើសរើសដបដែលអាចប្រើប្រាស់ឡើងវិញបាន ដូចជាដបដែក ដបកែវ ដបអ៊ីណុក ឬដបអាលុយមីញ៉ូមជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
