ហ្វេនៗ មួម៉ៅក្តៅក្រហាយ រឿងបទថ្មីរបស់ BLACKPINK គ្មានឲ្យ Jennie រ៉េបអីម៉ាញ៉េប

កូរ៉េខាងត្បូង៖​ បន្ទាប់ពីបទចម្រៀង «Ready for Love» របស់ BLACKPINK ត្រូវបានចេញផ្សាយកាលពីថ្ងៃទី ២៩ ខែកក្កដា អ្នកគាំទ្របានសម្តែងការខឹងសម្បារដែលសមាជិក Jennie ត្រូវបានគេមិនផ្តល់ឱកាស នៅពេលដែលផ្តល់ផ្នែករ៉េបខ្លីជាងសមាជិក Lisa ។

យោងតាមអ្នកគាំទ្រ BLACKPINK ការពិតដែលថា Rosé ទទួលបានទំនុក​ច្រៀង យូរជាងសមាជិកដទៃទៀតគឺអាចយល់បានព្រោះនាងជាសមាជិកច្រៀងសំខាន់ក្នុងក្រុម។ ទោះ​ជា​យ៉ាង​ណា Jennie ត្រូវបានគេ លើកឡើងថា នាងមាន​ទំនុក​ច្រៀង​រ៉េប​តិច​តួច​បំផុត ខណៈនាងជាសមាជិករ៉េបសំខាន់ក្នុងក្រុម ផ្ទុយទៅវិញ Lisa មានផ្នែករ៉េបច្រើនជាងគេ ខណៈនាងដើរតួជាអ្នករាំសំខាន់នៅក្នុងក្រុម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទស្សនិកជនគិតថា Jennie គួរតែមានឱកាសច្រើនក្នុងការរ៉េប ព្រោះនាងជាអ្នករ៉េបសំខាន់ក្នុងក្រុមផងដែរ ពួកគេចង់ឱ្យក្រុមហ៊ុនគ្រប់គ្រង YG មានភាពយុត្តិធម៌ក្នុងការបែងចែកទំនុកចម្រៀងឲ្យមានភាពត្រឹមត្រូវ មិនត្រឹមតែប៉ុណ្ណោះ អ្នកខ្លះថែមទាំងវាយលុក Lisa ដោយសារតែពួកគេគិតថា តារាចម្រៀងស្រីរូបនេះ ត្រូវបានក្រុមហ៊ុនពេញចិត្តជាខ្លាំង។

លើសពីនេះ កំណែ 3D របស់សមាជិក BLACKPINK ក្នុងបទចម្រៀងមួយនេះ ក៏មានភាពចម្រូងចម្រាសផងដែរ។ អ្នក​គាំទ្រ​អះអាង​ថា​កំណែ 3D នេះ​មើល​ទៅ​មិន​ដូច​មនុស្ស​ស្រី​នោះ​ទេ ជាពិសេស Jennie និង Jisoo តែម្តង។

មនុស្សមួយចំនួនថែមទាំងបានប្រៀបធៀបកំណែ AI របស់ BLACKPINK ជាមួយនឹងកំណែ AI របស់ក្រុមក្មេងស្រី aespa ដោយចង្អុលបង្ហាញពីភាពស្រដៀងគ្នាជាច្រើន ហើយចោទជាសំណួរថាតើ BLACKPINK ចម្លងគំនិតពីក្រុមក្មេងស្រីមែននោះទេ?

គួររំលឹកផងដែរថា បទចម្រៀង Ready for Love គឺជាបទចម្រៀងថ្មីចុងក្រោយបំផុត របស់ក្រុមចម្រៀងនារីមួយនេះដែលវីដេអូចម្រៀងត្រូវបានផលិតចេញជា AI ប៉ុន្តែនៅតែច្រៀងដោយសម្លេងពិត។ គម្រោងនេះគឺជាជំហានមួយសម្រាប់ការវិលត្រលប់មកវិញរបស់ BLACKPINK ជាមួយនឹងគម្រោង «BORN PINK» នាពេលខាងមុខដូច្នេះ៕

ប្រភព៖ https://zingnews.vn/

សូមទស្សនារូបភាពខាងក្រោម៖

• តារាកូរ៉េ