ចិន៖ នារយៈពេលប៉ុន្មានថ្ងៃចុងក្រោយនេះ ស្ត្រីជាម្ដាយម្នាក់អាយុ៧០ឆ្នាំ មកពីទីក្រុងឆុងឈីង ភាគនិរតីនៃប្រទេសចិន បានបង្កឲ្យមានការភ្ញាក់ផ្អើល និងចាប់អារម្មណ៍ជាខ្លាំង ជុំវិញរឿងរ៉ាវនៃជីវិតរបស់កូនស្រីគាត់ ដែលអាយុច្រើនហើយ ប៉ុន្ដែមិនទាន់មានដៃគូជីវិត។
ជាក់ស្ដែង អ្នកស្រី ហ្សាង (Zhang) បានបង្ហាញខ្លួន លើកញ្ចក់ទូរទស្សន៍ក្នុងស្រុកមួយ និងបានរៀបរាប់ឲ្យដឹងថា បច្ចុប្បន្ននេះ កូនស្រីរបស់គាត់មានអាយុ៣៨ឆ្នាំ និងបានបញ្ចប់ការសិក្សាពីសាកលវិទ្យាល័យកំពូលមួយ ហើយធ្លាប់មានការងារធ្វើនៅប៉េកាំង និងសៀងហៃ។ ប៉ុន្ដែកាលពីប៉ុន្មានឆ្នាំមុន កូនស្រីរបស់គាត់បានលាឈប់ពីការងារ និងវិលត្រឡប់មករស់នៅក្នុងស្រុកកំណើតវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអស់រយៈពេល៦ឆ្នាំមកនេះ កូនស្រីរបស់គាត់មិនមានការងារធ្វើឡើយ និងតែងតែចំណាយពេលជាមួយឆ្មាចំនួន៦ក្បាលនៅផ្ទះ ដោយថតយកសកម្មភាពរបស់ឆ្មា ទៅបង្ហោះចែកចាយលើបណ្ដាញសង្គមជាញឹកញាប់។ ហើយចាប់តាំងពីរៀនចប់អស់មក កូនស្រីរបស់គាត់មិនដែលមានទំនាក់ទំនងស្នេហាជាមួយនរណាម្នាក់ឡើយ។ ហេតុដូចេ្នះ គាត់ ព្រមទាំងស្វាមី មានការព្រួយបារម្ភចំពោះកូនស្រីជាខ្លាំង រហូតដល់ថ្នាក់សម្រាកពេលយប់មិនស្រួល និងហូបចុកមិនឆ្ងាញ់ផងដែរ។
តួយ៉ាង ចាប់តាំងពីកូនស្រីវិលមករស់នៅក្នុងស្រុកកំណើតវិញ អ្នកស្រី និងស្វាមី បានទិញអាផាតមិនមួយកន្លែងឲ្យ និងផ្ដល់ប្រាក់ផ្គត់ផ្គង់ចាយវាយប្រចាំថ្ងៃឲ្យរហូតមកទៀតផង។ ប៉ុន្ដែទើបថ្មីៗនេះ គាត់ និងស្វាមី បានដឹងថា កូនស្រីបានលក់អាផាតមិនចោល និងផ្លាស់មករស់នៅកន្លែងថ្មី ដែលនៅក្បែរៗផ្ទះរបស់ពួកគាត់ទាំងពីរ។
ទន្ទឹមនឹងនេះ អ្នកស្រី ហ្សាង បានព្យាយាមបញ្ចុះបញ្ចូលកូនស្រីរបស់គាត់ ឲ្យប្រញាប់រកការងារធ្វើ និងរៀបការដែរ ប៉ុន្ដែកូនស្រីហាក់មិនអើពើ និងតែងតែជំទាស់ជានិច្ច។ ងាកមកកាន់ការសម្ភាស៍រវាងស្ថានីយទូរទស្សន៍ ជាមួយកូនស្រីតាមរយៈទូរសព្ទដៃវិញ បានឲ្យដឹងថា ជំនាន់ម្ដាយរបស់នាងពិបាកយល់ពីផ្នត់គំនិតរបស់ក្មេងជំនាន់ក្រោយណាស់។ បើទោះបីជាការធ្វើវីដេអូអំពីឆ្មាចិញ្ចឹមរបស់នាង មិនទទួលបានប្រាក់ក៏ដោយ ក៏នាងអះអាងថា ថ្ងៃអនាគតនាងនឹងអាចរកប្រាក់ចិញ្ចឹមខ្លួនឯងបាន។ ហើយនាងមិនខ្វល់ខ្វាយពីការនៅលីវ និងមិនបង្ខំចិត្តខ្លួនឯងឲ្យមានទំនាក់ទំំនងស្នេហាឡើយ រហូតប្រសិនបើមានជួបបុរសណាម្នាក់ ដែលនាងគិតថាអាចផ្ញើជីវិតជាមួយបាន នាងនឹងអូខេ។
យ៉ាងណាមិញ វីដេអូនៃការសម្ភាស៍របស់អ្នកស្រី ហ្សាង បានទទួលការចុចចូលទស្សនារហូតដល់ជាង១០លានដង នៅលើបណ្ដាញសង្គមចិន Weibo និងចុច Like ជាង៣៦៣,០០០ផងដែរ៕
ប្រភព: Yahoo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]