កូរ៉េខាងត្បូង៖ កាលពីមុន ត្រូវបានគេធ្លាប់បានរាយការណ៍មកថាតារាសម្តែង Bae Suzy ទទួលបានការសរសើរចំពោះរឿងកូរ៉េភាគថ្មីទើបតែចេញផ្សាយដែលមានចំណងជើងថា «Anna» របស់នាង ជាមួយនឹងលទ្ធផលវិជ្ជមាន ពីសំណាក់អ្នកទស្សនា។
ជាក់ស្តែង រឿងដែលចាក់ផ្សាយផ្តាច់មុខនៅលើវេទិកាស្ទ្រីមថ្មី Coupang Play គឺជាជោគជ័យផ្នែកពាណិជ្ជកម្មហើយបាននាំមកនូវចំណាប់អារម្មណ៍ថ្មីដល់គេហទំព័រចាក់ផ្សាយមួយនេះ ដែលអ្នកគាំទ្រភ្ញាក់ផ្អើលពេលដឹងថាអ្នកដឹកនាំរឿង «Anna» ចង់មានបំណងផ្តាច់ខ្លួន ពីរឿងភាគលើវេទិការដទៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែយ៉ាងណាក៏ដោយ យោងតាមរបាយការណ៍ អ្នកដឹកនាំរឿង «Anna» លោក Lee Joo Young កំពុងគម្រាមប្តឹង Coupang Play ទាមទារសំណងទៅវិញ។ នេះបើតាមមេធាវី អ្នកដឹកនាំរឿងមិនសប្បាយចិត្តនឹងការផ្លាស់ប្តូរវេទិកាផ្សាយដែលធ្វើឡើងចំពោះរឿងរបស់លោកនេះទេ។
តាមប្រភពដដែល បានរាយការណ៍មកថា «Anna» ត្រូវបានគេសន្មត់ថា ជារឿងភាគចំនួនប្រាំបី ដែលមានរយៈពេលដំណើរការ ៤៥-៦១ នាទីក្នុងមួយវគ្គ។ Coupang Play បានសម្រេចចិត្តធ្វើការផ្លាស់ប្តូរដោយគ្មានការជូនដំណឹងទៅអ្នកដឹកនាំ ដែលបង្ហាញរឿងភាគ ដែលមានប្រាំមួយភាគតែប៉ុណ្ណោះ។
ទៀតសោត អ្នកតំណាងបានបញ្ជាក់ថា អ្នកដឹកនាំ ពិតជាបានស្នើឱ្យដកឈ្មោះនាងចេញពីផ្នែកក្រេឌីតនៃរឿងភាគ ហើយថែមទាំងគម្រាមចាត់វិធានការផ្លូវច្បាប់ទៀតផង ប៉ុន្តែត្រូវបានគេមិនអើពើ។ លើសពីនេះ អ្នកតំណាង ស្នើសុំការសុំទោសជាផ្លូវការ និងវិធានការកែតម្រូវពី Coupang Play ឬយើងនឹងបន្តចាត់ការតាមផ្លូវច្បាប់ផងដែរ។
គួររំលឹកផងដែរថា រឿងនេះនឹងបន្តទទួលបានការកោតសរសើរយ៉ាងខ្លាំងសម្រាប់ Suzy ។ តារាសម្ដែងដែលធ្លាប់ទទួលរងការរិះគន់កន្លងមក បានធ្វើឲ្យអ្នកគាំទ្រភ្ញាក់ផ្អើលជាមួយនឹងការសម្ដែងដែលមានភាពប្រសើរឡើងជាមួយនឹងការសម្តែងប៉ិនប្រសប់របស់នាង ថ្វីត្បិតរឿងនេះ កំពុងមានភាពចម្រូងចម្រាសយ៉ាងណាក្តី៕
ប្រភព៖ Koreaboo
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
