Beckham និងភរិយា កំពុងដេកភ័យ ខណៈកូនប្រុសច្បង រៀបការហើយ តាមប្រពន្ធជាងគ្រួសារ

បរទេស៖ យោងតាមប្រព័ន្ធផ្សព្វផ្សាយអង់គ្លេស តារាស្រី Victoria Beckham មានអារម្មណ៍ព្រួយបារម្ភនៅពេលដែលនាងឃើញកូនប្រុសរបស់នាង Brooklyn Beckham ក្លាយជាមនុស្សជិតស្និទ្ធខាងដន្លង ជាងក្រុមគ្រួសាររបស់ខ្លួន។

កាលពីនៅថ្ងៃទី ២ ខែសីហាគេហទំព័រ Mirror បានរាយការណ៍ថា Victoria Beckham ព្រួយបារម្ភអំពី «គម្លាយ" ពីកូនប្រុសរបស់នាង Brooklyn Beckham។ ក្រោយពាក្យចចាមអារ៉ាមនេះបានកើតឡើងនៅក្នុងកំឡុងពេលនេះ ស្របពេលដែលអតីតសមាជិកក្រុម Spice Girls ត្រូវបានគេនិយាយថា «មិនចុះសម្រុង» ជាមួយកូនប្រសាររបស់នាងតារាស្រី Nicola Peltz ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតតាមប្រភពប្រព័ន្ធផ្សព្វផ្សាយដដែល បាននិយាយថាប្រភពនៃជម្លោះបានចាប់ផ្តើមជាមួយនឹងអាពាហ៍ពិពាហ៍របស់ Brooklyn និង Nicola ចាប់តាំង គូស្វាមីភរិយាវ័យក្មេងមួយគូនេះ បានរៀបការ កាលពីខែមេសា។

តាមប្រភពជិតស្និទ្ធ Beckhams បានចំណាយក្នុងពិធីមង្គលការជាមួយនឹងទឹកប្រាក់សរុបរហូតដល់ ៥ លានផោនសម្រាប់កូនប្រុសរបស់ពួកគេ។ ទោះជាយ៉ាងណាក៏ដោយ ពួកគេមិនត្រូវបានអនុញ្ញាតឱ្យអង្គុយនៅតុខាងមុខជាមួយកូនរបស់ពួកគេឡើយ។

នេះ​ផ្ទុយ​នឹង​ប្រពៃណី​របស់​អង់គ្លេស​ដែល​មាន​ជា​យូរ​មក​ហើយ ខណៈឪពុកម្តាយរបស់ Nicola Peltz គឺជាអ្នកដែលអង្គុយនៅក្នុងទីតាំងនោះជំនួសឱ្យអតីតកីឡាករជម្រើសជាតិអង់គ្លេស និងភរិយារបស់លោក មូលហេតុដោយសារទីតាំងបារព្ធពិធីនោះ ជាកន្លែងដែលគេរស់នៅ៕

ប្រភព៖ zingnews

សូមទស្សនារូបភាពខាងក្រោម៖

• តារាអន្តរជាតិ