សេដ្ឋីនីទៅហើយ ទោះឈុតធម្មតា Rihanna តែពាក់គ្រឿងអលង្ការជ្រែកខ្លួន

បរទេស៖ អាចនិយាយបានថា ក្រោយពីបានសម្រាលកូនរួចមក តារាចម្រៀងស្រី Rihanna កាន់តែត្រូវបានហ្វេនៗជាច្រើនតាមដាន ពីការបង្ហាញខ្លួន ក៏ដូចជាចង់ឃើញពីស្ទាយ៍នៃការរៀបចំខ្លួនទាក់ទាញរបស់ តារាស្រីរូបនេះ។

យ៉ាងណាមិញ ថ្មីៗនេះ ការបង្ហាញខ្លួនរបស់ Rihanna និងមិត្តប្រុស លោក A$AP Rocky ដែលបានចេញទៅក្រៅជាមួយគ្នា នៅពេលយប់ក្នុងទីក្រុងញូវយ៉ក ក៏បានធ្វើឲ្យអ្នកគាំទ្រយកចិត្តទុកដាក់យ៉ាងខ្លាំង ទៀតផង។ ប៉ុន្តែនៅក្នុងនោះ មិនមែនជាការបង្ហាញស្ទាយ៍សម្លៀកបំពាក់ស៊ីវីល័យអ្វីនោះទេ ដោយរូបនាងបានចេញមកជាមួយនឹងឈុតគ្រឿងអលង្កាប្រណីត ដើរនៅតាមដងផ្លូវទៅវិញ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង នេះ​គឺជា​ ពេល​វេលាដ៏​កម្រមួយ សម្រាប់ Rihanna ដែលបានបង្ហាញ​ខ្លួន​ជាមួយ​មិត្ត​ប្រុស ចាប់​តាំង​ពី​បានសម្រាលកូនរួចមក។ ហើយការបង្ហាញខ្លួនជាមួយនឹងគ្រឿងអលង្កាប្រណីតមួយនេះ ពិតជាមានភាពទាន់សម័យ និងលេចធ្លោយ៉ាងខ្លាំង បើទោះបីជានាង លេង​ស្ទីលសម្លៀកបំពាក់​បែបសាមញ្ញក៏ដោយ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ