ធ្លាប់ដឹងអត់? កាលពីឆ្នាំ១៩៨២ បុរសម្នាក់នេះ ជិះម៉ូតូស្កូតឺឡើងផ្លូវ ដ៏ខ្ពស់បំផុតរបស់ពិភពលោក

ឥណ្ឌា៖ កាលពីឆ្នាំ១៩៨២កន្លងទៅ មានបុរសជនជាតិឥណ្ឌាម្នាក់ បានធ្វើដំណើរដោយម៉ូតូប្រភេទម៉ាកស្កូតឺរបស់គាត់ ឆ្ពោះទៅកាន់ទីក្រុង Leh នៃប្រទេសឥណ្ឌា ដែលមានផ្លូវខ្ពស់បំផុតរបស់ពិភពលោក។

តាមប្រភពព័ត៌មានបានឲ្យដឹងថា លោក Raj Krishan បច្ចុប្បន្នអាយុ៦០ឆ្នាំ បានចេញដំណើរពីទីក្រុង Srinagar ទៅកាន់ទីក្រុង Leh ដោយចំណាយអស់រយៈពេល១៦ម៉ោង ខណៈទីក្រុង Leh ផ្ទាល់ មានខ្យល់ស្ដើង និងមានអុកស៊ីសែនតិចផងដែរ។ ហើយទោះបីជាយ៉ាងណាក៏ដោយ គាត់បានស្នាក់នៅរយៈពេលពីរថ្ងៃ និងបានដាក់ពាក្យស្នើសុំទៅកាន់អាជ្ញាធរ ដើម្បីអនុញ្ញាតឲ្យធ្វើដំណើរលើផ្លូវដ៏ខ្ពស់របស់ពិភពលោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ទីបំផុត គាត់បានក្លាយជាបុរសដំបូងបង្អស់លើពិភពលោក ដែលបានធ្វើដំណើរទៅកាន់ទីក្រុង Leh ដោយម៉ូតូប្រភេទម៉ាកស្កូតឺ ខណៈអ្នកដទៃទៀតជិះម៉ូតូមានកម្លាំងខ្ពស់។ ហើយមកទល់នេះ បទពិសោធន៍ នៅតែធ្វើឲ្យគាត់មានអារម្មណ៍សប្បាយរីករាយ និងមានមោទកភាពលើខ្លួនឯងដដែល៕

ប្រភព: indiatimes

សូមទស្សនារូបភាពខាងក្រោម៖

• រូបភាព