ដើម្បីអូន! ស្វាមី Jennifer Lopez សុខចិត្តលក់ផ្ទះតម្លៃរាប់លាន

បរទេស៖ ថ្មីៗនេះ តារាសម្ដែង លោក Ben Affleck ទើបតែបានលក់ផ្ទះរបស់ខ្លួន ក្នុងតម្លៃ ៣០ លានដុល្លារ បន្ទាប់ពី សម្រេចចិត្តចេញទៅជួលវីឡាដ៏ប្រណិតមួយទៀត ដើម្បីរស់នៅជាមួយភរិយាជាទីស្រលាញ់ Jennifer Lopez ដែលទើបនឹងរៀបការថ្មីថ្មោង។

ក្នុងនោះដែរ ដោយយោងតាម ​​សារព័ត៌មាន TMZ បានបង្ហាញថា លោក Ben Affleck បានចុះបញ្ជីផ្ទះរបស់ខ្លួននៅ Pacific Palisades រដ្ឋ Los Angeles កាលពីថ្ងៃទី ៩ ខែសីហា តាមរយៈឈ្មួញកណ្តាលអចលនទ្រព្យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស ផ្ទះផ្ទាល់ខ្លួនមួយនេះ ត្រូវបានគេដឹងថា តារាសម្ដែងរូបនេះ បានទិញក្នុងឆ្នាំ ២០១៨ ក្នុងតម្លៃជាង ១៩ លានដុល្លារ និងមានទំហំ ១២០០ ម៉ែត្រការ៉េ បន្ទប់គេង ៧ បន្ទប់ទឹក ៩ ព្រមទាំង អាងហែលទឹកខាងក្រៅដ៏ធំមួយ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាអន្តរជាតិ