ម៉េចចឹង ប្រពន្ធDavid Beckham ត្រូវរិះគន់ ដោយសារតែ...

បរទេស៖ ថ្មីៗនេះ តារាស្រី Victoria Beckham ដែលត្រូវបានគេស្គាល់ថា ជាភរិយាអតីតកីឡាបាល់ទាត់ លោក David Beckham ស្រាប់តែបានក្លាយជាចំណុចមួយ ដែលធ្វើឲ្យមហាជនធ្វើការរិះ.គ.ន់ នៅពេលដែលនាង បានយកតារាម៉ូដែលវ័យក្មេងម្នាក់ ឲ្យថតផ្សាយស្លៀកខោក្នុង ដែលខ្លួនបានរចនាឡើង។

ក្នុងនោះដែរ តារាស្រីរូបនេះ បានបង្ហោះរូបថតសខ្មៅរបស់តារាម៉ូដែលវ័យក្មេង Morgan Porter ស្លៀកខោក្នុង ដើម្បីផ្សព្វផ្សាយពីយុទ្ធនាការថ្មីរបស់ខ្លួន។ យ៉ាងណាមិញ នៅក្នុងការបង្ហាញនេះ អ្នក​គាំទ្រ​ ​មិន​បានចាប់អារម្មណ៍​ពី​ការ​រចនា​ថ្មីនោះ​ទេ តែពួកគេ បែរជាយកចិត្តទុកដាក់តែលើរូបរាង និងអាយុរបស់តារាម៉ូដែលម្នាក់នេះប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែទោះជាយ៉ាងណា ខណៈពេលដែលអាយុរបស់តារាម៉ូដែលរូបនេះ មិនបានបញ្ជាក់ក៏ដោយ ប៉ុន្តែមនុស្សជាច្រើន ក៏បានគិតថា នាងមើលទៅពិតជាមានវ័យក្មេងពេកហើយ នៅក្នុងការចូលរួមក្នុងយុទ្ធនាការមួយនេះ ជាពិសេស ពួកគេក៏បានបង្ហាញអារម្មណ៍ថា ពេលសម្លឹងមើលទៅ ហាក់ដូចជាកំពុងមើលកូនក្មេងស្លៀកខោក្នុង ទៀតផង៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ