ធ្លាប់ជាតារាមួយ ដែលគេប្រាថ្នាចង់ដូច ឥលូវគ្រួសារមួយនេះ ជួបរឿងមិនចេះចប់ ពេលនេះ អតីតប្តី Angelababy ទម្លាយថា ខ្លួនត្រូវគេគំ..រា..មទៀត

ចិន៖ បន្ទាប់ពីបានលែងលះជាមួយនឹង តារាស្រី Angelababy អស់រយៈពេលប៉ុន្មានខែរួចមកនេះ តារាប្រុស លោក Huang Xiaoming តែងតែត្រូវបានគេលើកឡើង ពីរឿងចចាមអារ៉ាមជាបន្តបន្ទាប់ ដែលបានជាប់ពាក់ព័ន្ធនឹងទំនាក់ទំនងស្នេហាថ្មី។

ប៉ុន្តែ កាលពីថ្មីៗនេះវិញ តារាសម្តែងរូបនេះ ក៏បានធ្វើឲ្យហ្វេនៗមានការចាប់អារម្មណ៍សារជាថ្មីទៀតហើយ ក្រោយពីមានការបង្ហាញថា រូបលោកមានកូនមិនស្របច្បាប់ ជាពិសេស តារាប្រុសរូបនេះ ក៏បាន​និយាយ​ថា ខ្លួន​ត្រូវ​គេ ​យា.យី. និង ត្រូវគេ​គំ.រា.ម​តាម​ សារ​ឯកជន ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ជុំវិញការរំខានទៅលើជីវិតឯកជនរបស់ Huang Xiaoming អ្នកតំណាងរបស់លោក ក៏បានចេញបង្ហាញសេចក្តីថ្លែងការណ៍បដិសេធចំពោះព័ត៌មាន ដែលតារាប្រុសរូបនេះ បានលួចទាក់ទងជាមួយនារីស្រស់ស្អាតម្នាក់នៅក្នុងវិស័យសិល្បៈ រួមទាំងរឿង មានកូនផ្ទាល់ខ្លួន ផងដែរ។

លើសពីនេះ អ្នកគ្រប់គ្រងតារាប្រុសរូបនេះ ថែមទាំងបានបញ្ជាក់ថា រូបលោកកំពុងតែផ្តោតការយកចិត្តទុកដាក់ ទៅលើការអភិវឌ្ឍន៍អាជីពរបស់ខ្លួន មិនមែនមានការណាត់ជួបគ្នា ឬមានកូននោះឡើយ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន