ស្រ្តូកបណ្តាលមកពីជំងឺទឹកនោមផ្អែម អាចបង្ការបែបណា?

ជំងឺទឹកនោមផ្អែម ជាជំងឺរ៉ាំរ៉ៃដែលពាក់ព័ន្ធនឹងកម្រិតជាតិស្ករក្នុងឈាម ព្រមទាំងកើតឡើងដោយសារតែកង្វះអាំងស៊ុយលីនក្នុងរាងកាយ។ ប្រសិនបើយើងមិនអាចគ្រប់គ្រងស្ថានភាពជំងឺនេះឲ្យបានល្អទេនោះ ជំងឺទឹកនោមផ្អែម អាចនាំឲ្យមានផលវិបាកធ្ងន់ធ្ងរផ្សេងៗ ដូចជាខ្សោយតម្រងនោម ឬគ្រោះថ្នាក់សរសៃឈាមខួរក្បាលដែលបង្កដោយជំងឺទឹកនោមផ្អែម។

ទំនាក់ទំនងរវាងជំងឺទឹកនោមផ្អែម និងគ្រោះថ្នាក់សរសៃឈាមខួរក្បាល

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមសមាគមគ្រោះថ្នាក់សរសៃឈាមខួរក្បាលអាមេរិក គ្រោះថ្នាក់សរសៃឈាមខួរក្បាលដែលបង្កដោយជំងឺទឹកនោមផ្អែមកើតឡើងនៅពេលដែលសរសៃឈាមផ្ទុកជាតិស្ករក្នុងឈាមច្រើនពេក ហើយលំពែងមិនអាចបង្កើតអ័រម៉ូនអាំងស៊ុយលីនបាន ក្នុងការជួយផ្ទេរជាតិស្ករទៅកាន់កោសិកាដើម្បីបង្កើតជាថាមពលដល់រាងកាយ។

បរិមាណច្រើននៃជាតិស្ករក្នុងឈាមនេះហើយ អាចបណ្ដាលឲ្យខូចចរន្តឈាម ក៏ដូចជាបង្កឲ្យមានកំណកឈាមដែលរាំងស្ទះដល់លំហូរឈាម ព្រមទាំងអាចបំផ្លាញដល់ជាលិកាខួរក្បាលផងដែរ។ ជាទូទៅ គ្រោះថ្នាក់សរសៃឈាមខួរក្បាល កើតលើអ្នកជំងឺទឹកនោមផ្អែមច្រើនជាងអ្នកដែលមិនមានជំងឺនេះ។ យ៉ាងណាមិញ សមាគមគ្រោះថ្នាក់សរសៃឈាមខួរក្បាលបានសម្គាល់ពីកត្តាហានិភ័យផ្សេងទៀត ដែលនាំឲ្យអ្នកជំងឺទឹកនោមផ្អែមប្រឈមនឹងគ្រោះថ្នាក់សរសៃឈាមខួរក្បាល៖

មានអាយុលើសពី៥៥ឆ្នាំ
ធ្លាប់ជួបបញ្ហាគ្រោះថ្នាក់សរសៃឈាមខួរក្បាល
មានប្រវត្តិគ្រួសារកើតជំងឺនេះ
មានជំងឺប្រចាំកាយ ដូចជាជំងឺបេះដូង សម្ពាធឈាមខ្ពស់
ធាត់ជ្រុល ជក់បារី ឬអសកម្ម។

រោគសញ្ញានៃគ្រោះថ្នាក់សរសៃឈាមខួរក្បាល

មិនអាចកម្រើកមុខ
មិនអាចធ្វើចលនា ឬលើកដៃ
ពិបាកនិយាយ

សញ្ញាព្រមានដទៃទៀត រួមមាន៖

ព្រឹលភ្នែក ឬមើលមិនឃើញ
ភ្លេចភ្លាំង ឬវង្វេងវង្វាន់ ព្រមទាំងវិលមុខ ឬដួលភ្លាមៗ
ឈឺក្បាលធ្ងន់ធ្ងរភ្លាមៗ។

គន្លឹះបង្ការជំងឺទឹកនោមផ្អែម និងគ្រោះថ្នាក់សរសៃឈាមខួរក្បាល

គ្រប់គ្រងបរិមាណកូលេស្តេរ៉ូលក្នុងរាងកាយ ដោយកាត់បន្ថយការញ៉ាំអាហារដែលមានជាតិកូលេស្តេរ៉ូល និងខ្លាញ់ច្រើន
ជៀសវាងជក់បារី និងកាត់បន្ថយការញ៉ាំគ្រឿងស្រវឹង
គ្រប់គ្រងសម្ពាធឈាម ដោយញ៉ាំរបបអាហារសុខភាព និងលេបថ្នាំតាមការណែនាំ
ធ្វើលំហាត់ប្រាណជាទៀងទាត់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ស្រ្តូកបណ្តាលមកពីជំងឺទឹកនោមផ្អែម អាចបង្ការបែបណា?

ទំនាក់ទំនង​រវាង​ជំងឺ​ទឹក​នោម​ផ្អែម​ និង​គ្រោះថ្នាក់​សរសៃ​ឈាម​ខួរ​ក្បាល

រោគសញ្ញា​នៃ​គ្រោះថ្នាក់​សរសៃ​ឈាម​ខួរ​ក្បាល

សញ្ញា​ព្រមាន​ដទៃ​ទៀត​ រួម​មាន​៖

​​​​​គន្លឹះ​បង្ការ​ជំងឺ​ទឹក​នោម​ផ្អែម​ និង​គ្រោះថ្នាក់​សរសៃ​ឈាម​ខួរ​ក្បាល

In Case You Missed It

ទំនាក់ទំនងរវាងជំងឺទឹកនោមផ្អែម និងគ្រោះថ្នាក់សរសៃឈាមខួរក្បាល

រោគសញ្ញានៃគ្រោះថ្នាក់សរសៃឈាមខួរក្បាល

សញ្ញាព្រមានដទៃទៀត រួមមាន៖

គន្លឹះបង្ការជំងឺទឹកនោមផ្អែម និងគ្រោះថ្នាក់សរសៃឈាមខួរក្បាល