នារីម្នាក់ជះលុយ ជិត ៤០ ម៉ឺនដុល្លារ ទៅដណ្តឹងមិត្តប្រុសព្រោះចាំយូរពេក

ថៃ៖ យោងតាមគេហទំព័រក្នុងស្រុកបានចុះផ្សាយលើកឡើងថា ពិធីមង្គលមួយ ដែលកូនក្រមុំ យកថ្លៃបណ្ណាការ ១២លានបាត (ជិត៤០ម៉ឺនដុល្លារ) ចូលស្តីដណ្តឹងមិត្តប្រុសវិញ ក្រោយពីពួកគេ ជំនះឧបសគ្គជាច្រើនជាមួយគ្នា អស់រយៈពេល ៨ ឆ្នាំ ហេតុដូច្នេះ នាងមិនអាចរង់ចាំតទៀតបាន ទើបចូលដណ្តឹងវិញ។

យ៉ាងណាមិញ ថ្ងៃពិសេសនេះ បានប្រារព្ធ​ធ្វើ​នៅ​មជ្ឈមណ្ឌល​សន្និបាត​និង​ពិព័រណ៍​អន្តរជាតិ​ខន​កែន (KICE) សម្រាប់​គូ​ស្វាមី​ភរិយា​ថ្មីថ្មោង​មួយ​គូ​​នៅ​ថ្ងៃ​នេះ ប៉ុន្តែ​អ្វី​ដែល​កាន់​តែ​ពិសេស​នោះ​គឺ​ កូនក្រមុំ​កាន់​ថ្លៃ​បណ្ណាការ លើក​ក្បួន​ដង្ហែ​ ទៅ​សុំ​ភាគី​ខាង​ប្រុស ខុស​ពី​គូ​ផ្សេង​ទៀត​ ដែល​នឹង​ជា​កូន​កំលោះ នាំ​ក្បួន​ផ្កាស្លា ទៅ​សុំ​កូនក្រមុំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោត ​ក្នុង​ឱកាស​ដ៏​វិសេសវិសាល បានឲ្យដឹងថា ​កូនក្រមុំ​បាន​រៀបចំ​ពិធី​ដង្ហែ​ក្បួន​ ដោយ​ថ្លៃ​បណ្ណាការ​តម្លៃ​ជាង​១២​លាន​បាត មានដូចជាសាច់ប្រាក់ ​២​ លាន​បាត គ្រឿងអលង្ការ និងមាស​តម្លៃ តម្លៃ​២.៨​លាន​បាត ផ្ទះ​មួយ​ខ្នង​នៅ​ភូមិ​ផា​ភិរម្យ តម្លៃ​ ៧​ លាន​បាត នាំ​ដង្ហែ​ទៅ​សុំ​ភាគី​ខាង​ប្រុស​តាម​ប្រពៃណី​ថៃ៕

ប្រភព៖ https://www.nationtv.tv/

សូមទស្សនារូបភាពខាងក្រោម៖