ចឹងតើបាន Bitoey និងស្វាមី​ មិនត្រូវគេចាប់ខ្លួន ក្នុងរឿងក្ដីឆ.បោ.កលុយ រាប់លានដុល្លារ

ថៃ៖ ជាមួយនឹង​សំណុំរឿង​ក្ដី របស់ តារាស្រី Pinky Savika និង​ម្ដាយ ពីករណីបោកប្រា.ស់ បង្កការខូចខាតដល់ប្រជាពលរដ្ឋ ហើយក្នុងនោះដែរ ក៏បានបង្ហាញពីការជាប់ពាក់ព័ន្ធនឹងមនុស្ស ១៦នាក់ផ្សេងទៀត នៅក្នុងករណីនេះ ដោយរួមមាន Bitoey និងស្វាមី លោក DJ Man ផងដែរ។

ដោយឡែក ថ្មីៗនេះ តារាស្រី Bitoey និងស្វាមី លោក DJ ​​Man ក៏បានធ្វើការ Live នៅលើបណ្ដាញសង្គមបញ្ជាក់ថា អ្នកទាំងពីរ​ នៅ​មិន​ទាន់ត្រូវបាន​ចា.ប់​ខ្លួន និងមិនត្រូវបានគេប្តឹងបន្ត ផងដែរ។ តែបើនៅក្នុង​ឯកសារ​ដែល​ចេញ​មក ខាងព្រះរាជអាជ្ញា​បាន​បញ្ជា​ឱ្យ​ DSI ធ្វើ​ការ​ពិនិត្យ​បន្ថែម​ ហើយមាន​ឈ្មោះ​អ្នកទាំង​ពីរ​ ពួកគេនឹងរីក​រាយត្រៀមខ្លួន ក្នុងការសហការ ប៉ុន្តែខណៈនេះ ​វា​ស្ថិត​នៅ​ក្នុង​ដំណើរ​ការ​ផ្លូវ​ច្បាប់​នៅ​ឡើយទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តារាស្រីរូបនេះ ព្រមទាំងស្វាមី ក៏បានបង្ហាញថា ​មាន​ភស្តុតាង​គ្រប់​យ៉ាង រួមទាំងសេចក្តីថ្លែងការណ៍ជាច្រើនឆ្នាំកន្លងមក ហើយក៏បានបញ្ជាក់ថាខ្លួន មិនមែនជាអ្នកវិនិយោគ នៅក្នុងក្រុមហ៊ុន មិន​មែន​ជា​ម្ចាស់ ហើយ​ក៏​មិន​មែនជា អ្នកបញ្ចុះ​បញ្ចូល​ មនុស្ស​ឲ្យ​ចូល​រួម​ដែរ ជាពិសេស នាងក៏មិន​មាន​ឈ្មោះ​ក្នុង​ក្រុមហ៊ុន Forex-3D នោះទេ ៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ