ដឹងហើយស្ដាយជំនួស មុនមានរឿង Pinky អាចរកលុយចំណូលដល់ម្លឹង

ថៃ៖ អាចនិយាយបានថា តារាស្រី Pinky Savika គឺជាតារាល្បីលំដាប់ជួរមុខម្នាក់ ​ព្រមទាំងមានការគាំទ្រជាច្រើន ពីទស្សនិកជន ដោយមានប្រាក់ចំណូលស្ថិរភាព នៅក្នុងពិភពកម្សាន្ត ផងដែរ។ 

ជាពិសេស យោងតាមសារព័ត៌មានក្នុងស្រុកថៃ បានឱ្យដឹងថា Pinky Savika ពិតជាមិនស្ថិតក្នុងបញ្ហាហិរញ្ញវត្ថុ ដែលនាងត្រូវបោ.កប្រា.ស់មនុស្សរាប់ពាន់នាក់នោះទេ។ ម៉្យាងវិញទៀត តារាស្រីរូបនេះ ថែមទាំងបានកាន់តំណែងជានាយកក្រុមហ៊ុនយ៉ាងហោចណាស់ចំនួន ៤ ដែលក្នុងនោះមាន ២ ត្រូវបានបិទ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ បើក្រឡេកមកមើល ប្រាក់ចំណេញសរុប របស់ Pinky Savika ដែលអាចរកបាននៅក្នុងក្រុមហ៊ុនពីរផ្សេងទៀតក្នុងឆ្នាំ ២០២១ គឺជិត ១០,៧ លានបាត (ប្រមាណ ៣០ម៉ឺនដុល្លារ)។ ក្នុង​នោះដែរ ​ក្រុមហ៊ុន​ផលិត​គ្រឿង​សម្អាង និង​អាហារ​ របស់​នាង ​មាន​ប្រាក់​ចំណូល ប្រមាណ ១៧៣ ០០០ ដុល្លារ ខណៈ​ក្រុមហ៊ុន​គ្រប់គ្រង​របស់តារា​សម្ដែងរូ​បនេះ គឺ ១២៣ ០០០ ដុល្លារ។

ជាពិសេស ប្រាក់ចំណូលនេះ មិនរាប់បញ្ចូលប្រាក់ខែរបស់ Pinky Savika នៅក្នុងសិល្បៈកម្សាន្តនោះទេ ខណៈនៅ​ពេល​ដែលនាងបានឈាន​ដល់​ចំណុចកំពូលនៃ​អាជីព នាង​អាច​ទទួល​បាន ១,៣​លាន​ដុល្លារ​ក្នុងមួយខ្សែភាពយន្ត ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាថៃ