ចប់គ្រប់យ៉ាង ក្រសួងព័ត៌មាន ចេញប្រកាស សម្រេចលុបចោលអាជ្ញាបណ្ណ ម្ចាស់សហគ្រាស សាន្ត ប៊ុនធឿនហើយ

ភ្នំពេញ៖ កាលពីថ្មី ៗ នេះ រដ្ឋមន្ត្រីក្រសួងព័ត៌មាន បានចេញប្រកាស សម្រេចលុបចោលទាំងស្រុង ទៅលើអាជ្ញាបណ្ណ ម្ចាស់សហគ្រាសលោក សាន្ត ប៊ុនធឿន លែងឲ្យធ្វើអាជីវកម្មផ្សព្វផ្សាយលើ គេហទំព័រ នេះបើយោងតាម គណនីជាផ្លូវការរបស់ ទូរទស្សន៍ជាតិកម្ពុជា ទទក - TVK។

តាមប្រភពដដែល បានបញ្ជាក់ឲ្យដឹង ដោយម្ចាស់អាជ្ញាបណ្ណ រូបលោក បានប្រព្រឹត្តអំពីអសីលធម៌ ជេរប្រមាថជាសាធារណៈ កំពុងតែ ធ្វើការ Live Stream នៅលើបណ្តាញសង្គម ហេតុដូច្នេះ បានធ្វើឱ្យប៉ះពាល់ដល់សីលធម៌សង្គម និងកិត្តិយសសេចក្តីថ្លៃថ្នូរ ក្នុងនាមជាអ្នកសារព័ត៌មានអាជីព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា លោក សាន្ត ប៊ុនធឿន ក៏បានលុបពីក្របខណ្ឌកងយោធពលខេមរភូមិន្ទ កាលពីថ្មីៗនេះ​ដូចគ្នា ដោយសារ រូបលោកផ្ទាល់ ធ្វើឲ្យប៉ះពាល់កិត្តិយសអង្គភាព ជាមួយសកម្មភាពបែបនេះ ក្រោយ សម្តេចតេជោ បានបង្ហោះសារតាមហ្វេសប៊ុក ភ្ជាប់ជាមួយវីដេអូ ដោយសម្តេចធ្លាប់បានអប់រំ កុំឱ្យសុីផឹកជេរបញ្ចោរ តែចរិតកែមិនឡើងឡើយ៕

ប្រភព៖ ទូរទស្សន៍ជាតិកម្ពុជា ទទក - TVK

សូមទស្សនារូបភាពខាងក្រោម៖