ទោះមានរឿងរហូត ជីវិត Brad pitt ជាមួយទ្រព្យសម្បត្តិរាប់លាន ធ្វើឲ្យគេឯងច្រណែនហើយ

បរទេស៖ អាចនិយាយបានថា តារាសម្ដែង លោក Brad Pitt គឺជាតារាសម្ដែងមួយរូបដ៏មានប្រជាប្រិយភាពនិងទទួលបានការគាំទ្រជាច្រើន ជាពិសេស ដោយសារតែសមត្ថភាពនិងភាពល្បីល្បាញបែបនេះ បានធ្វើឲ្យរូបលោកអាចរកចំណូលបានយ៉ាងច្រើន ទៀតផង។ 

ដោយឡែក ងាកមកមើលពីជីវិតរស់នៅបច្ចុប្បន្ននេះ ក៏បានឲ្យដឹងថា លោក Brad Pitt មានទ្រព្យសម្បត្តិសរុប ប្រមាណ ៣០០ លានដុល្លារអាមេរិក ដែលភាគច្រើននៃប្រាក់ចំណូលរបស់លោក គឺបានមកពីខ្សែភាពយន្តដែលបានសម្តែង។ លើសពីនេះ តារាប្រុសរូបនេះ បានធ្វើការជាមួយម៉ាកល្បីៗជាច្រើន ដោយអាចរកចំណូលបានរាប់លានពីកិច្ចព្រមព្រៀង ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត យោងតាមប្រភពព័ត៌មាន ក៏បានបង្ហាញពីទ្រព្យសម្បត្តិដែលជាឡានទំនើបៗ របស់ តារាប្រុស Brad Pitt ដែលមានដូចជា Tesla  Camaro SS  Chevy Tahoe  Audi Q7   Lexus LS 460 F Sport និង Aston Martin Vanquish Carbon Edition។ 

លើសពីនេះ បើងាកមកចាប់អារម្មណ៍ទៅលើ​ទ្រព្យ​សម្បត្តិ​ដែលជាផ្ទះប្រណីតរបស់ Brad Pitt វិញ បានឲ្យដឹងថា កាលពីខែកក្កដា រូបលោក បានចំណាយប្រាក់ចំនួន ៤០ លានដុល្លារ ទៅលើផ្ទះប្រវត្តិសាស្ត្រមួយនៅ Carmel រដ្ឋកាលីហ្វ័រញ៉ា។ ជាពិសេស រូបលោកក៏បានទិញទីតាំងជាច្រើនកន្លែង ក៏ដូចជាបានលក់អចលនទ្រព្យវិនិយោគជាច្រើន ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ