និយាយដល់រឿងប្រពន្ធកូន អតីតស្វាមី សូលីកា ឆ្លើយត្រង់ៗយ៉ាងដូច្នេះថា...

រាជធានីភ្នំពេញ ៖ កាលពីប៉ុន្មានខែមុននេះ តារាចម្រៀង ពេជ្រ សូលីកា និងអតីតស្វាមី បានប្រកាសដំណឹងបែកបាក់ទៅកាន់ហ្វេនៗរបស់ខ្លួន ប៉ុន្តែម្នាក់ៗមិនបញ្ចេញហេតុផលច្បាស់លាស់ ក្នុងការដើរដល់ផ្លូវបំបែកដូច្នេះឡើយ ខណៈអ្នកទាំងពីររក្សាភាពស្ងប់ស្ងាត់រៀងៗខ្លួន។

យ៉ាងណាមិញ កាលពីថ្មីៗនេះ ហ្វេនៗនាំគ្នាចាប់អារម្មណ៍ខ្លាំងលើStoryនៅក្នុងគណនី Instagram របស់អតីតស្វាមីរបស់រូបនាង បានបើកទទួលឆ្លើយសំណួររបស់អ្នកគាំទ្រ ក្នុងនោះក៏មានសំណួរទាក់ទងនឹងប្រពន្ធកូនផងដែរ ដោយក្នុងនោះ រូបលោកទម្លាយថា អ្នកទាំងពីរបែកគ្នាជាង១ឆ្នាំទៅហើយដោយសារតែ មិនចង់ឲ្យកូនប្រុសរស់នៅក្នុងគ្រួសារដែលមានឪពុកម្តាយតែងឈ្លោះគ្នានិងមានគំនិតខ្វែងគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាងនេះទៅទៀត រូបលោកបានឆ្លើយសំណួរហ្វេនថា ខ្លួននៅស្រឡាញ់ សូលីកាទេ?​ រូបលោកឆ្លើយថា រូបនាងជាម្តាយរបស់កូនប្រុសខ្ញុំ ដូច្នេះហើយ ខ្ញុំមានក្តីស្រឡាញ់ដ៏គួរឲ្យគោរពសម្រាប់គាត់ តែខ្ញុំលែងស្រឡាញ់គាត់ហើយ អ្វីដែលអ្នកគ្រប់គ្នាបានឃើញលើបណ្តាញសង្គមនោះ គ្រាន់តែជាការយល់ឃើញរបស់អ្នកដទៃប៉ុណ្ណោះ។

សម្រាប់រឿងទំនាក់ទំនងក្រោយបែកបាក់នោះ ក្រៅពីការពិភាក្សារឿងផ្លូវច្បាប់ទាក់ទងរឿងការចែកផ្លូវគ្នានិងការទៅលេងកូននោះ គ្មានការលែងលះណាដែលមិនមានបញ្ហានិងត្រូវការពេលវេលានោះឡើយ ខ្ញុំកំពុងតែរៀនដើរលើផ្លូវលំបាកមួយនៅពេលនេះ សង្ឃឹមថាគ្រប់យ៉ាងនឹងឆាប់ដោះស្រាយហើយអាចបញ្ចប់មេរៀនមួយនេះ។

ចំពោះទំនាក់ទំនងនេះ គ្មានអ្វីត្រូវសោកស្តាយឡើយ ព្រោះពួកយើងបានគិតត្រូវនៅចំណុចពេលនោះ បង្កើតកំហុស ចែករំលែកក្តីស្រឡាញ់ជាដើម ពួកយើងមិនអាចបង្វិលពេលវេលាថយក្រោយ មានតែការរៀនពីវាទើបជាការប្រសើរ ដូច្នេះវិប្បដិសារីជាការខ្ជះខ្ជាយ។

ក្នុងនោះគេក្រឡេកឃើញ ហ្វេនក៏សាកសួរពីជីវិតឯកជនថ្មីរបស់លោកថាតើ ពេលនេះកំពុងសម្លឹងឃើញនរណាថ្មីហើយឬនៅ? រូបលោកមិនឆ្លើយអ្វីច្រើនគ្រាន់តែបង្ហើបថា ប្រហែលពួកយើងជាដៃគូល្អ​ គ្រាន់តែជួបគ្នាយឺតពេលប៉ុណ្ណោះ រួចបន្តថា ជីវិតឯកជនគឺមានឯកជនភាព៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ជីវិត
• រូបភាព