ជួបបែ.កៗ ម្ដងនេះ Prang បញ្ជាក់ថា មិនត្រឡប់ទៅរកស្នេហ៍ចាស់វិញទេ

ថៃ៖ គឺជារឿងដ៏គួរឲ្យសោកស្ដាយ សម្រាប់គូស្នេហ៍តារាស្រី Prang Kanarun និង លោក Tong Twopee ដែលបានសម្រេចបញ្ចប់ទំនាក់ទំនងស្នេហាផ្អែមល្ហែមជាមួយគ្នា អស់រយៈពេលជាង ១០ឆ្នាំហើយ ខណៈដែលអ្នកទាំងពីរបានបែកគ្នាម្ដងរួចទៅហើយ មុននឹងបានវិលមករួមរស់ជាមួយគ្នាម្តងទៀត។

យ៉ាងណាមិញ ថ្មីៗនេះ តារាស្រី Prang ក៏បានចេញមុខ បើកចំហរចំពោះមុខអ្នកសារព័ត៌មានជាលើកដំបូង បន្ទាប់ពីមានព័ត៌មានចែកផ្លូវគ្នានេះ ដោយរូបនាងបានទទួលស្គាល់ ថាបានបែកគ្នាជាង ២ ខែមកហើយ និងលើកឡើងថា ពេលនេះ ស្ថានភាពអ្នកទាំងពីរ គឺគ្រាន់តែជាមិត្តនឹងគ្នាតែប៉ុណ្ណោះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តារាស្រីរូបនេះ បានបង្ហាញទៀតថា ​ការ​បញ្ចប់​ស្នេហ៍​១០​ឆ្នាំ​លើក​នេះ ​គ្មាន​ភាគី​ទី​៣​ នោះទេ ហើយក៏បានសុំទោស ចំពោះអ្នកដែលពាក់ព័ន្ធនឹងទំនាក់ទំនងរបស់អ្នកទាំងពីរផងដែរ។ លើសពីនេះ នៅពេលដែលរូបនាងត្រូវបានគេសួរនាំពីឱកាស ដែលអ្នកទាំងពីរអាច ​វិល​មក​វិញ​ដូច​លើក​មុន​ដែរឬយ៉ាងណានោះ Prang ថែមទាំងបង្ហើប​ថា ពួកគេបាន​ពិភាក្សា​លម្អិត​រួច​ហើយ ក៏ដូចជាសម្រេចចិត្តធ្វើជាមិត្តល្អនឹងគ្នា ហើយបើ​នៅ​ពេល​នេះ នាងបាន​គិត​ថា មិនមានឱកាសទៅដូចដើមនោះទេ ​ប៉ុន្តែនាងក៏មិនដឹងពីអនាគតដូចគ្នា៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ