មិនសំខាន់លើរៀបចំកម្មវិធីធំដុំ តែក្រោយរៀបការរួច Kim Tae Hee ជានារីសំណាងទទួលបានការមើលថែពីស្វាមី

កូរ៉េខាងត្បូង៖ អាចនិយាយបានថា Kim Tae Hee គឺជា​តារា​សម្ដែងស្រី​ដ៏​ល្បី​ម្នាក់​ក្នុង​វិស័យ​កម្សាន្ត​កូរ៉េ ដែលមិនត្រឹមតែមានភាពស្រស់ស្អាត និងសមត្ថភាពតែប៉ុណ្ណោះទេ ប៉ុន្តែតារាស្រីរូបនេះ ក៏ត្រូវបានមនុស្សជាច្រើន មានការចាប់អារម្មណ៍យ៉ាងខ្លាំងទៅលើជីវិតឯកជនក្នុងគ្រួសាររបស់នាង ផងដែរ។

ក្នុងនោះដែរ បើក្រឡេកមកមើលកាលពីមុនមក នៅពេលដែល Kim Tae Hee បានរៀបការជាមួយនឹង លោក Bi Rain នៅក្នុងការរៀបចំពិធីមង្គលការរបស់អ្នកទាំងពីរ បែរជាជ្រើសរើសយក ការរៀបចំដ៏សាមញ្ញមួយ នៅឯព្រះវិហារ ដោយចំណាយអស់ប្រហែលជាង មួយពាន់ដុល្លារតែប៉ុណ្ណោះ។ តែទោះជាយ៉ាងណា មនុស្សជាច្រើនក៏បានគិតថា លោក Bi Rain ពិតជាសំណាងណាស់ដែលបានរៀបការជាមួយនារីម្នាក់ដែលមានសម្រស់ស្អាត និងមានទេពកោសល្យល្អឥតខ្ចោះដូច Kim Tae Hee។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត Kim Tae Hee ក៏មានសំណាងមិនចាញ់គ្នាដែរ ព្រោះតាំង​ពី​ក្លាយ​ជា​ភរិយា​របស់ Bi Rain មក តារាស្រីរូបនេះ ​ត្រូវ​បាន​ស្វាមី​មើល​ថែយ៉ាង​ពេញ​ទំហឹង បើទោះបីជា Bi Rain ហាក់មានភាពមមាញឹកនឹងការងារយ៉ាងណាក៏ដោយ ក៏លោកមិនដែលឈប់ខ្វាយខ្វល់ពីភរិយាបណ្ដូលចិត្តឡើយ ហើយរូបលោក ក៏បានបដិសេធការណាត់ជួប និងការអញ្ជើញចូលរួមពិធីជប់លៀងផ្សេងៗ ដើម្បីត្រឡប់ទៅរកភរិយាឲ្យបានឆាប់ និងចូលចិត្តទៅផ្ទះបាយ ដើម្បីធ្វើម្ហូបឆ្ងាញ់ៗជូនប្រពន្ធកូននៅផ្ទះ ផងដែរ៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាកូរ៉េ