នៅចាំទេ? បេក្ខជនសម្លេងដូចគណៈកម្មការ ទុំ សុវត្ថិ ពេលនេះ សុខទុក្ខយ៉ាងណាហើយ?

រាជធានីភ្នំពេញ ៖ ពិតណាស់ លោក ទុំ សុវត្ថិ (ទុំ រដ្ឋា)​ ជាបេក្ខភាពផ្ទុះប្រជាប្រិយភាព ក្នុងការប្រកួតCambodian Idol ដោយសារតែទឹកដមសម្លេងស្រដៀងនឹងគណៈកម្មការ លោក ឆន សុវណ្ណរាជ តែត្រូវទទួលNoពីគណៈកម្មការ មិនជាប់បន្តទៅវគ្គបន្ទាប់ ស្របពេលមហាជនល្បីថាច្រៀងពិរោះ កាលពីចុងខែឧសភាកន្លងទៅ។

យ៉ាងណាមិញ ក្រោយដំណើរការប្រកួតជាង៣ខែមកនេះ ចុងក្រោយការប្រកួតរកឃើញម្ចាស់ពាន ដែលបានទៅលើ តារាចម្រៀង លីម តិចម៉េង កាលពីប៉ុន្មានថ្ងៃមុននេះ ធ្វើឲ្យហ្វេនៗមួយចំនួននឹកឃើញដល់បេក្ខភាព ទុំ សុវត្ថិ ដែលបុគ្គលមានឈ្មោះក្នុងសង្គម និងតារាមួយចំនួន រំពឹងថានឹង មានអនាគតភ្លឺស្វាង មិនចាញ់តារាល្បី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ងាកមកមើលពីបច្ចុប្បន្នភាពរបស់រូបលោកវិញ ពេលនេះក្លាយទូតសុឆន្ទៈរបស់ទូរសព្ទដៃល្បីឈ្មោះ Huawei ក្នុងនោះទៀតសោត រូបលោកក៏ចេញចម្រៀងដោយខ្លួនឯង ឡើងច្រៀងតាមការប្រគុំតន្ត្រីនានា និងថតផ្សព្វផ្សាយផលិតផល ហាក់មានហាងឆេងក្នុងទីផ្សារមិនធម្មតាឡើយ ជាមួយគ្នានេះ មហាជនជូនពរឲ្យរូបលោកបន្តជោគជ័យលើវិស័យសិល្បៈទៅមុខបន្ថែមទៀត៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ការងារ
• ជីវិត
• រូបភាព
• តារាខ្មែរ