ភ្នំពេញ៖ OPPO ជាម៉ាកទូរស័ព្ទល្បីមួយក្នុងប្រទេសកម្ពុជា ជាពិសេសសម្រាប់អ្នកចូលចិត្តវិស័យស្មាតហ្វូនពិតជាមានអារម្មណ៍រំភើបជាមួយស្មាតហ្វូនថ្នាក់កណ្តាលគឺត្រកូល Reno Series ដែលពោរពេញគុណភាពខ្ពស់ជាមួយការរចនាបែបយុវវ័យ និងទាន់សម័យកាលបំផុត ព្រមទាំងមានតម្លៃសមរម្យ។ ថ្មីៗនេះ OPPO បានប្រកាសនូវស្មាតហ្វូនស៊េរីថ្មីរបស់ខ្លួន OPPO Reno8 Series ចំនួន 3 ម៉ូដែល Reno8 $359 | Reno8 Z 5G $429 | Reno8 5G $569។
សម្រាប់ Reno8 5G ជាស្មាតហ្វូនដែលមានតម្លៃខ្ពស់ជាងគេបន្តិចនៅក្នុង Reno8 Series នេះក៏ព្រោះតែសមត្ថភាពកំពូល ប្រព័ន្ធកាមេរ៉ាកំពូល ម៉ាស៊ីនដំណើរការកំពូល និងការផ្លាស់ប្តូរគុណសម្បត្តិពិសេសៗជាច្រើនទៀត ដែលសមត្ថភាពកំពូលៗទាំងនេះភាគច្រើនឃើញបំពាក់តែនៅលើស្មាតហ្វូនតម្លៃខ្ទង់ពាន់ដុល្លារតែប៉ុណ្ណោះ។ ហើយវាត្រូវបានគេរំពឹងទុកខ្ពស់ជាស្មាតហ្វូនដែលលក់ដាច់ខ្លាំង និងផ្ទុះកក្រើកទីផ្សារយ៉ាងខ្លាំង។ នៅថ្ងៃទី1 កញ្ញា 2022 OPPO Reno8 5G បានធ្លាក់ទៅដល់ដៃម្ចាស់ហើយ បន្ទាប់ពីរង់ចាំយ៉ាងអន្ទះសារចង់ប៉ះ ចង់កាន់ និងចង់ប្រើមុនគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![](https://s9.kh1.co/0d/0d8957604b1e20d032431d483cc159fd263a11d9.jpg)
នៅក្នុងឆ្នាំនេះ OPPO Reno8 5G ត្រូវបានយកចិត្តទុកដាក់ និងកែសម្រួលយ៉ាងល្អិតល្អន់តាំងពីរូបរាង សមត្ថភាព និងដំណើរការផ្សេងៗ ដើម្បីឲ្យវាកាន់តែក្លាយជាស្មាតហ្វូនល្អប្រសើរ និងទាក់ទាញដល់អ្នកប្រើប្រាស់បំផុត។ ដូចនេះតើមានអ្វីថ្មីនៅក្នុង Reno8 5G? ក្នុងនាមខ្ញុំជាអ្នកសារព័ត៌មាន និងចូលចិត្តផ្នែកវិស័យបច្ចេកវិទ្យាថ្ងៃនេះសូមលើកយក Reno8 5G មកជជែក និងស្វែងយល់ពីមុខងារពិសេសៗអំពីស្មាតហ្វូនមួយនេះឲ្យកាន់តែច្បាស់ ៖
ការរចនាបថ គឺជាចំណុចសំខាន់ដ៏ធំ និងដំបូងបង្អស់ដែលអ្នកអាចមានអារម្មណ៍ភ្លាមៗនៅពេលដែលចាប់កាន់ OPPO Reno8 5G នៅក្នុងដៃ។ តួខ្លួនខាងក្រោយបានគ្របដណ្តប់ដោយពណ៌ចែងចាំងទាក់ភ្នែកជាមួយនឹងជម្រើស 2 ពណ៌ Shimmer Gold (ពណ៌មាសប្រណីត) និង Shimmer Black (ពណ៌ខ្មៅ) ជាមួយរចនាបថបែប OPPO Glow ផ្ទៃខ្នងក្រោយគ្រើមតែផ្តល់នូវអារម្មណ៍រលោង មិនឆក់ជាប់ស្នាមមម្រាមដៃ។ ជាពិសេសស្រទាប់ផ្ទៃខ្នងក្រោយនិងបណ្តុំកាមេរ៉ាគ្មានស្នាមថ្នេរ គ្មានចំណុចទើស និងមិនជាប់ធូលីតាមស៊ុមកាមេរ៉ាឡើយ។
![](https://s9.kh1.co/e5/e55cf29a7717e9fd812cba79f21310a521d2d40a.jpg)
Reno8 5G បំពាក់មកនូវអេក្រង់់ទម្លុះ 6.4អ៊ីង ប្រភេទ AMOLED 90Hz មិនតូចមិនធំពេក ជំនាន់ចុងក្រោយបង្អស់កម្រិត FHD+ អាចការពារសុខភាពភ្នែក និងធ្វើឲ្យការបង្ហាញកាន់តែស្រឡះ ជួយការពារភ្នែកពីពន្លឺពណ៌ខៀវជាមួយពណ៌នៃរូបភាពម៉ត់ច្បាស់បែបធម្មជាតិដែលទទួលស្គាល់ដោយ SGS។
![](https://s9.kh1.co/09/096450302922b2a105be4999749c666d4dbf7df6.jpg)
![](https://s9.kh1.co/33/3394567f834b8b5da7a5cba0261c5aa9a56acb15.png)
Reno8 5G បំពាក់ដោយកាមេរ៉ាក្រោយចំនួន 3 គ្រាប់រួមមាន 50MP (កាមេរ៉ាមេ) + 8MP (កាមេរ៉ាពង្រីកមុំ) + 2MP (ម៉ាក្រូ) ចំណែកកាមេរ៉ាមុខទំហំ 32MP មានសមត្ថភាពបង្ហាញកម្រិតពណ៌ច្បាស់ និងស្រស់ស្អាត។ អ្វីដែលអស្ចារ្យនិងវិសេសវិសាលបំផុតគឺស្មាតហ្វូននេះបានបំពាក់នូវសេនស័រកំពូល 2 គ្រាប់ពី SONY គឺ IMX 766 (កាមេរ៉ាក្រោយ) និង IMX709 (កាមេរ៉ាមុខ) ដែលមានសមត្ថភាពខ្លាំងកាត់បន្ថយគ្រាប់ល្អិត និងធ្វើឲ្យរូបភាពភ្លឺច្បាស់គ្រប់ចំណុច និងស្រស់ថ្លាគ្រប់វេលាទោះស្ថិតក្នុងកម្រិតពន្លឺងងឹតបែបណាក៏ដោយ។
![](https://s9.kh1.co/25/2595219b0bdda4c19cb574e65b4d56902a77f232.jpg)
សមត្ថភាពកំពូលនៃកម្លាំងម៉ាស៊ីន Reno8 5G បំពាក់បន្ទះឈីបកំពូល Dimensity 1300 | 5G ដែលបន្ទះឈីបកំពូលបែបនេះភាគច្រើនមានតែនៅលើស្មាតហ្វូនថ្លៃៗខ្ទង់រាប់ពាន់ដុល្លារ។ ចំណែក RAM 8GB (+5GB) សរុប 13GB + ROM256GB កម្លាំងម៉ាស៊ីនធំបែបនេះគ្មានភាពរអាក់រអួលទោះឆ្លាស់កម្មវិធីទៅមកក៏នៅតែរហ័ស ឯអង្គចងចាំធំបែបនេះទោះប្រើច្រើនឆ្នាំក៏មិនបារម្ភរឿងទំហំផ្ទុកដែរ។
![](https://s9.kh1.co/7c/7c747804f3bce8cc0de6ef6c418bde5180940be4.jpg)
Reno8 5G មានថាមពលថ្មទំហំ 4500mAh ទោះបីមិនធំពេកក៏ដោយប៉ុន្តែវាគ្រប់គ្រាន់សម្រាប់អ្នកប្រើប្រាស់ពេញមួយថ្ងៃ ទាំងការអូសលេង Facebook, TikTok និងមើលវីដេអូដោយមិនខ្លាចរឿងអស់ថ្ម។ លើសពីនេះវាបានបំពាក់ជាមួយបច្ចេកវិទ្យាសាកថ្មលឿន 80W SUPERVOOC សាកត្រឹម 5 នាទីអាចលេងហ្គេម 2 ម៉ោង។ សាកពេញ 100% ចំណាយពេលត្រឹម 30 នាទីតែប៉ុណ្ណោះ។
![](https://s9.kh1.co/08/08cecbb24b5ce864474c931f3193a6ab766f34d4.jpg)
អ្វីដែលរង់ចាំបានមកដល់ហើយ… គ្រប់ចំណុចសុទ្ធតែកំពូលពី OPPO Reno8 5G តម្លៃ $569 មានលក់ហើយ! លោកអ្នកអាចរកទិញបានចាប់ពីថ្ងៃនេះតទៅជាមួយនឹងការថែមជូន៖ កាតាបស្ពាយ (តម្លៃ $19) និងស៊ីមស្មាតលេខពិសេស Bronze (តម្លៃ $54) ភ្ជាប់គម្រោង SurfLikeCrazy រយៈពេល 4ខែ រហូតដល់ថ្ងៃទី 08 ខែកញ្ញា ឆ្នាំ2022 នៅតាមបណ្តាហាងលក់ទូរស័ព្ទនានា។
សម្រាប់ព័ត៌មានលម្អិតបន្ថែមសូមចូលទៅក្នុងផេគហ្វ៊េសប៊ុកផ្លូវការរបស់ OPPO៕
![](https://s9.kh1.co/78/780667fd52b1ca9673a6034974d0c37203841208.jpg)
![](https://s9.kh1.co/de/de06fcac80465f6455174d610d174fc63e4ea427.jpg)
![](https://s9.kh1.co/71/7151e53def4c2c85b73e6cb6d1401b77a14fd010.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]