ទោះជាត្រូវចិញ្ចឹមបីបាច់ដោយប៉ា ឬម៉ាក់តែឯង ក៏កូនអាចទទួលបានភាពរីករាយ និងសុខភាពផ្លូវចិត្តល្អដូចក្មេងឯទៀតដែរ ប្រសិនបើប៉ា ឬម៉ាក់ចិញ្ចឹមបីបាច់កូនប្រកបដោយភាពកក់ក្ដៅ តែងនៅក្បែរកូនរាល់ពេលដែលកូនត្រូវការ និងចេះបត់បែនដោយភាពឆ្លាតវៃ។
កសាងទំនាក់ទំនងវិជ្ជមានជាមួយកូន
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់ ទំនាក់ទំនងវិជ្ជមាននៅក្នុងគ្រួសារ អាចជួយឲ្យក្មេងមានអារម្មណ៍សុវត្ថិភាព និងទទួលបានក្ដីស្រលាញ់។
ទាំងនេះជាគន្លឹះមួយចំនួន ដែលប៉ា ឬម៉ាក់អាចពង្រឹងទំនាក់ទំនងជាមួយកូន៖
- ចំណាយពេលនៅជាមួយកូន ដោយជជែកលេងជាមួយកូននៅម៉ោងញ៉ាំអាហារពេលល្ងាច ជំនួសឲ្យការមើលទូរទស្សន៍។ បន្ថែមពីនេះ យើងក៏អាចច្រៀងកម្សាន្ត ឬនិយាយរឿងកំប្លែងឲ្យកូនស្ដាប់នៅម៉ោងគេង។
- និយាយរឿងដែលកូនចូលចិត្ត ដូចជារឿងរ៉ាវទាក់ទងនឹងកីឡា តន្ត្រី ឬសៀវភៅ។
- យកចិត្តទុកដាក់ចំពោះកូន ដោយការញញឹម សើច និងឱបកូនឲ្យបានច្រើនតាមដែលអាចធ្វើទៅបាន។
- ចំណាយពេលខ្លះនៅជាមួយកូនម្នាក់ៗ ប្រសិនបើយើងមានកូនច្រើន។
លើកទឹកចិត្តឲ្យកូនមានអាកប្បកិរិយាល្អ នៅពេលដែលយើងចិញ្ចឹមកូនតែឯង
ការកំណត់វិធាន និងវិន័យច្បាស់លាស់អាចជួយឲ្យកូនមានអារម្មណ៍សុវត្ថិភាព ប៉ុន្តែសម្រាប់ប៉ា ឬម៉ាក់ដែលចិញ្ចឹមកូនតែឯង អាចមានភាពលំបាក ជាពិសេសនៅពេលដែលយើងនឿយហត់ ឬស្រ្តេស ឬប្រសិនបើកូនមានបញ្ហាអាកប្បកិរិយា។យ៉ាងណាមិញ យើងអាចសាកល្បងលើកទឹកចិត្តឲ្យកូនមានអាកប្បកិរិយាល្អ ដោយវិធីសាស្រ្តមួយចំនួនខាងក្រោមនេះ។
១. ទទួលស្គាល់អារម្មណ៍កូន
លើកទឹកចិត្តកូនឲ្យនិយាយចេញមកក្រៅ នៅពេលដែលកូនខឹង ឬមិនពេញចិត្ត ហើយយើងនៅចាំស្ដាប់កូនជានិច្ច ប៉ុន្តែប៉ា ឬម៉ាក់គួរពន្យល់ថាទោះជាកូនខឹងខ្លាំងប៉ុនណា ក៏មិនគួរបញ្ចេញអាកប្បកិរិយាមិនសមរម្យនោះដែរ។
២. បង្កើតវិធានច្បាស់លាស់
ការព្រមព្រៀងគ្នាលើច្បាប់វិន័យមួយចំនួន នៅពេលជួបជុំគ្នាជាលក្ខណៈគ្រួសារ ជាជំហានដំបូងដ៏ល្អ ដើម្បីឲ្យគ្រប់គ្នាបានបញ្ចេញយោបល់ផ្ទាល់ខ្លួន និងដើម្បីឲ្យកូនអាចអនុវត្តវិន័យទាំងនោះប្រកបដោយប្រសិទ្ធភាព។
៣. ព្យាយាមគ្រប់គ្រងអារម្មណ៍
ការមើលថែទាំកូនតែម្នាក់ឯងច្បាស់ជាមិនស្រួលទេ ហើយពេលខ្លះយើងក៏ពិបាកគ្រប់គ្រងអារម្មណ៍ដូចគ្នា។ ឧទាហរណ៍ ជួនកាល យើងស្រែកគំហកដាក់កូន ឬទុកកូនចោលរយៈពេលយូរ។ ក្នុងករណីនេះ ប៉ា ឬម៉ាក់មិនគួរពិបាកចិត្តពេកឡើយ ដោយគួរតែបង្ហាញឲ្យកូនដឹងថា យើងនឹងមិនធ្វើបែបនោះទៀតឡើយ ព្រមទាំងព្យាយាមគ្រប់គ្រងស្ថានការណ៍ឲ្យប្រសើរជាងមុននៅពេលក្រោយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
