ក្រោយត្រូវកោះហៅ Bitoey ត្រូវបានគេឆ្ងល់គ្រប់គ្នា ថាហេតុអ្វីជីវិតហាយសូរម៉្លេះ?

ថៃ៖ វាបានក្លាយជា​ប្រធាន​បទ​ដ៏គួរឲ្យចាប់អារម្មណ៍មួយ ដែលសាធារណជនជាច្រើនកំពុងតាមដាន ក្នុងពេលដែលខាងនាយកដ្ឋានស៊ើបអង្កេតពិសេស (DSI) បានចេញដីកាកោះហៅ មនុស្សបួននាក់ទៀត នៅក្នុងសំណុំរឿងក្ដី Forex-3D ហើយក្នុងចំណោមនោះ ក៏មានឈ្មោះ លោក DJ Man និងភរិយា Bitoey តែទោះជាយ៉ាងណា អ្នកទាំងពីរនៅមិនទាន់ជាប់ឈ្មោះ ជាជនជាប់ចោទនៅឡើយទេ។

ដោយឡែក ស្របពេលដែលមានវីដេអូឃ្លីបជីកកកាយពេល Biteoy បើកបង្ហាញពីទិដ្ឋភាពក្នុងផ្ទះ និងមើលឃើញពីការប្រើប្រាស់របស់ប៊្រេនៗ ដូចជា កាបូបពីម៉ាកយីហោល្បីនោះ ក៏បានធ្វើឲ្យអ្នកលេងអ៊ីនធើណែត​ លើកឡើងភ្លាមៗអំពីបញ្ហានេះ។ ជាពិសេស នៅក្នុងនោះដែរ តារាស្រី Bitoey បានបង្ហើប​ថា ​ខ្លួន​ជាអតិថិជន VVIP ស្ទើរ​គ្រប់​ម៉ាក​យីហោ ខណៈដែលម៉ាកមួយចំនួន ត្រូវទិញសរុបយ៉ាងហោចណាស់ ១៥ លានបាតក្នុងមួយឆ្នាំ ដើម្បីទទួលបានវា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ Bitoey ក៏បានបង្ហើបពីតម្លៃកាបូបម៉ាកល្បីៗ រហូត​ដល់មាន​អ្នក​​លេង​អ៊ីនធើណែតជាច្រើន ​បាន​សម្រុក​ចូល​ទៅ​បញ្ចេញ​មតិ​លើកឡើងថា ហេតុអ្វីបានជា Bitoey មើលទៅពិតជាមានសម្បូរបែបយ៉ាងនេះ មានលុយទិញម៉ាកយីហោល្បីៗជាច្រើន ដូចជា ស្បែកជើង កាបូប គ្រឿងអលង្ការ ខណៈដែលកាលពីមុននេះ រូបនាងថែមទាំងរស់នៅក្នុងជីវិតប្រណីតហាយសូរ បើទោះបី​ជា នៅក្នុង​អំឡុង​ពេល​កូវីដ-១៩ ដែល​តារា​ល្បីៗជាច្រើន មិន​សូវ​មាន​ការងារ​ធ្វើក៏ដោយ៕

ប្រភព៖ Kapook

សូមទស្សនារូបភាពខាងក្រោម៖