ក្នុងវ័យ៣០ឆ្នាំ​ Ariana សល់លុយរាប់លានដុល្លារ

បរទេស៖ អាចនិយាយបានថា ​ជាមួយនឹងសមត្ថភាពក្នុងវិស័យចម្រៀង ព្រមទាំងមានរូបសម្រស់ទៀតនោះ បានធ្វើឲ្យតារាចម្រៀងស្រី Ariana Grande អាចទាញយកចិត្តពីទស្សនិកជន ក៏ដូចជាអ្នកគាំទ្រជាច្រើន ទាំងក្នុង និងក្រៅប្រទេស។

ជាពិសេសនោះដែរ ដោយសារតែភាពល្បីល្បាញនៅក្នុងវិស័យសិល្បៈ តារាចម្រៀងស្រី Ariana Grande ត្រូវបានគេបង្ហើបពី ទ្រព្យសម្បត្តិរបស់តារាស្រីរូបនេះ ដែលរូបនាង អាចរកបានពីវិស័យមួយនេះ អស់រយៈពេលជាច្រើនឆ្នាំ  ដែលបានប៉ាន់ស្មានថា មានចំនួនរហូតដល់ទៅ ២២០ លានដុល្លារ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ក៏មានការបង្ហាញឲ្យដឹងទៀតថា តារាស្រីរូបនេះ មានការតស៊ូ ជាមួយនឹងការងារតារា ដែលចាប់ផ្ដើមពីតួនាទីតូចមួយនៅ Broadway រហូតបានចូលប្រឡូកក្នុងវិស័យតន្ត្រី ហើយបានក្លាយជាតារាប៉ុប ដែលមានតម្លៃថ្លៃបំផុតនាពេលបច្ចុប្បន្ននេះ។

ហើយក្រៅពីតន្ត្រី Ariana ក៏បានចូលរួមក្នុងគម្រោងខ្សែភាពយន្តហូលីវូដមួយចំនួនទៀត។ បើទោះបីជា ខាងផលិតករមិនបានបង្ហាញពីប្រាក់ខែដែលបង់ឲ្យ Ariana Grande ក៏ដោយ ប៉ុន្តែក៏មានការលើកឡើងថា តារាពីររូបទទួលបានប្រាក់សរុបចំនួន ៣០លានដុល្លារ និង ២៥លានដុល្លារ ដូច្នេះ តារាស្រីរូបនេះ អាចនឹងទទួលបាន មិនដល់ ២៥លាននោះទេ ដោយ​សារ​តែ​នាង ​មិន​បាន​សម្ដែងជាតួអង្គសំខាន់នៅក្នុងរឿង៕ ​

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ