ក្រុមហ៊ុន Smart Axiata គាំទ្រវេទិកាយុវជនជជែកពិភាក្សាអំពីបរិស្ថាន ឆ្នាំ២០២២!

ភ្នំពេញ៖ ក្រុមហ៊ុន Smart Axiata ដែល​ជា​ប្រតិបត្តិករ​ទូរស័ព្ទចល័ត​ឈាន​​​មុខ​គេ​​នៅ​កម្ពុជា បាន​រួម​សហការជាមួយ​ក្រសួង​បរិស្ថាន និង​ក្រសួងអប់រំ យុវជន និង​កីឡា ដើម្បី​គាំទ្រ​​វេទិកាយុវជនជជែកពិភាក្សាអំពីបរិស្ថានឆ្នាំ២០២២។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុង​ឆ្នាំ​នេះ វេទិកាយុវជនជជែកពិភាក្សាអំពីបរិស្ថាន​ត្រូវ​បាន​បែង​ចែក​ជា​បី​វគ្គ​គឺ វគ្គ​ណែនាំ​ វគ្គ​ប្រកួត​ដំបូង វគ្គពាក់កណ្តាលផ្តាច់ព្រ័ត្រ និង​វគ្គ​​ប្រកួតផ្តាច់​ព្រ័ត្រ។ គោលបំណង​របស់​វេទិកានេះ​ គឺ​ដើម្បី​លើក​ទឹក​ចិត្ត​យុវជន​​កម្ពុជា​ឱ្យ​ចូលរួម​ក្នុង​ការ​គ្រប់​គ្រង​បរិស្ថាន​សម្រាប់​​អនាគត​របស់​ប្រទេសកម្ពុជា។ សាលា​ចំនួន១៦ មក​ពី​ខេត្តព្រះ​សីហនុ និង​ខេត្តកោះកុង បាន​ចូល​រួម​ក្នុង​វេទិកា​យុវជន​ជជែក​ពិភាក្សា​អំពី​បរិស្ថាន​នៅ​ឆ្នាំ​នេះ។

វគ្គ​​ប្រកួតផ្តាច់​ព្រ័ត្រឆ្នាំនេះធ្វើឡើងនៅខេត្តព្រះសីហនុ ហើយវិទ្យាល័យ ហ៊ុន សែន កំពង់សិលា ខេត្តព្រះសីហនុ ទទួលបានជ័យលាភីលេខ១ ក្នុងវេទិកា​យុវជន​ជជែក​ពិភាក្សា​អំពី​បរិស្ថាន​នៅ​​ឆ្នាំ២០២២ នេះ ខណៈ​វិទ្យាល័យ ហ៊ុន សែន ព្រៃនប់ ទទួល​បាន​ជ័យលាភីលេខ២ និង​វិទ្យាល័យ ហ៊ុន សែន បាក់ខ្លង ជាប់ចំណាត់​ថ្នាក់​លេខ៣។ វេទិកា​យុវជន​ជជែក​ពិភាក្សា​អំពី​បរិស្ថាន​ឆ្នាំ​២០២២ ត្រូវបាន​រៀបចំឡើង​ដោយ​ក្រសួងបរិស្ថាន សហការ​ជាមួយ​ក្រសួង​អប់រំ យុវជន និងកីឡា។ ក្រុមហ៊ុន Smart Axiata គឺជាអ្នកឧបត្ថម្ភធំមួយក្នុងចំណោមអ្នកឧបត្ថម្ភផ្សេងទៀត។

វេទិកា​យុវជន​ជជែក​ពិភាក្សា​អំពី​បរិស្ថាន​ឆ្នាំ​២០២២ បានរៀបចំ​ធ្វើឡើង​ចាប់ពី​ខែ​មិថុនា​ដល់​ខែ​សីហា​ឆ្នាំ​២០២២។ ឯកឧត្តម នេត្រ ភក្ត្រា រដ្ឋលេខាធិការ​​ក្រសួង​បរិស្ថាន និង​ឯកឧត្តម ឡុង ឌីម៉ង់ អភិបាល​រង​នៃគ​ណៈ​អភិបាល​ខេត្ត​ព្រះ​សីហនុ បាន​អញ្ជើញ​ចូលរួម​ជាមួយ​ភាគីពាក់ព័ន្ធ​មួយចំនួន​ទៀតនៅក្នុង​វេទិការ​នេះ។

ឯកឧត្តម នេត្រ ភក្ត្រា បាន​មាន​ប្រសាសន៍​ថា៖

លោក Feiruz Ikhwan នាយកប្រតិបត្តិស្តីទីរបស់ក្រុមហ៊ុន Smart Axiata មានប្រសាសន៍ថា៖

វេទិកានេះ​ផ្តល់​ឱ្យ​យុវជន​នូវ​ឱកាសមួយ​ ដើម្បីសិក្សា ស្រាវជ្រាវ និងផ្លាស់ប្តូរ​ចំណេះ​ដឹង និង​បទពិសោធន៍​​ជាមួយ​អ្នក​ជំនាញ​បរិស្ថាន។ នៅ​ក្នុង​ដំណើរការ​នេះ យើងសង្ឃឹម​ថា យុវជន​នឹង​មាន​ការ​យល់​ដឹង​កាន់​តែ​ច្បាស់​អំពី​របៀប​គ្រប់​គ្រង​បរិស្ថាន។

ប្រធានបទ​ចំនួនបី​ត្រូវ​បាន​លើក​យក​មក​ពិភាក្សា​នៅ​ក្នុងវគ្គ​ផ្តាច់​ព្រ័ត្រ​​នេះ ដែល​រួម​មាន ការអប់រំ​បរិស្ថាននៅ​វត្តអារាមមាន​ប្រសិទ្ធភាព​ក្នុងការផ្លាស់​ប្តូរ​ឥរិយាបទ​ស្រលាញ់​បរិស្ថាន​ជាង​នៅ​សាលារៀន, សំណល់​ប្លាស្ទិក គឺ​ជាប្រភព​ចម្បង​នៃ​ការបំពុល​បរិស្ថានសមុទ្រ​ និងការ​បង្កើត​មុខរបរ​ឱ្យសហគមន៍​មូលដ្ឋាន​បាន​ចូលរួម​ចំណែក​ដល់​ការ​អភិរក្ស​ជីវៈចម្រុះ​។

ក្រុមហ៊ុន Smart Axiata កំពុងចូលរួមចំណែកយ៉ាង​សកម្មក្នុងការឆ្លើយតបនឹងបញ្ហា​អាកាសធាតុ​បន្ទាន់ តាម​រយៈ​ការ​​ពិនិត្យតាមដាន និង​គ្រប់គ្រង​បរិមាណ​​កាបូន​​ដែលបញ្ចេញ​ដោយ​ក្រុមហ៊ុន ពោលគឺ​​ជា​ផ្នែក​មួយ​នៃ​កិច្ចខិតខំ​ប្រឹងប្រែង​របស់​ក្រុមហ៊ុន​ក្នុង​ការ​លើក​កម្ពស់​និរន្តរភាព។

កាល​ពីដើម​ឆ្នាំ​នេះ ក្រុមហ៊ុន Smart Axiata គឺជាអ្នកឧបត្ថម្ភធំ​មួយ​ក្នុង​កម្មវិធី ​ “ទិវាមួយ​ម៉ោង​សម្រាប់​ភពផែនដី” នៅ​កម្ពុជា ដែលមាន​ការ​ជួបជុំ​គ្នា​រវាង​​ក្រសួងនានា​របស់​រាជ​រដ្ឋាភិបាល សហគមន៍​មូលដ្ឋាន យុវជន អង្គភាព​សាធារណៈ​ និងឯកជន អង្គការ​មិន​មែន​រដ្ឋាភិបាល ប្រព័ន្ធ​ផ្សព្វផ្សាយ និងប្រជាពលរដ្ឋ​នៅ​ទូទាំង​ប្រទេស​កម្ពុជា ដើម្បី​បង្ហាញ​សកម្មភាព​របស់​ពួកគេ​ឆ្ពោះទៅ​រក​អនាគត ដែល​កាន់តែ​មាន​សុខភាពល្អ​និង​កាន់តែ​ប្រសើរ​សម្រាប់​ទាំង​អស់គ្នា។

សម្រាប់​​ព័ត៌មាន​​បន្ថែមអំពី​​កិច្ច​ប្រឹង​ប្រែង​ទាក់ទង​នឹង​បរិស្ថាន​​​របស់​​​ក្រុមហ៊ុន Smart Axiata សូម​តាមដាន​​ទំព័រ​​ហ្វេសប៊ុក Smart​ for Cambodia តាមរយៈ​គេហទំព័រ ​www.facebook.com/smartforcambodia៕

អំពីក្រុមហ៊ុន Smart 

ក្រុមហ៊ុន Smart Axiata Co., Ltd. ជា​ប្រតិបត្ដិករ​ទូរគមនាគមន៍​ចល័ត​ឈាន​មុន​គេ​ក្នុង​ព្រះរាជា​ណាចក្រ​កម្ពុជា។ បច្ចុប្បន្ន​ក្រុមហ៊ុន​បាន​និង​កំពុង​បម្រើ​​អតិថិជន​ចំនួន ៧.៥ លាននាក់ ស្ថិត​ក្រោម​ស្លាក​សញ្ញា “Smart”។ Smart Axiata គឺជា​ក្រុមហ៊ុន​បុត្រសម្ព័ន្ធ​របស់ក្រុមហ៊ុនមេ មាន​ឈ្មោះ​ថា  “Axiata Group Berhad” ដែល​ជា​ក្រុមហ៊ុន​ផ្ដល់​សេវា​ទូរគមនាគមន៍​ធំ​ជាង​គេ​បង្អស់​មួយ​ក្នុង​ទ្វីប​អាស៊ី។

ក្រុមហ៊ុន Smart គឺ​ជា​ប្រតិបត្តិករ​ទូរគមនាគមន៍​ចល័ត​ដែល​មាន​ភាព​ឈាន​មុខគេ​បង្អស់​ផ្នែក​សេវា​បច្ចេកវិទ្យា​ទំនើប​​ទាន់​សម័យ​ក្នុង​ព្រះរាជា​ណាច​​ក្រ​​ក​​ម្ពុ​ជា​។ ក្រុមហ៊ុន Smart គឺជា​ប្រតិបត្ដិករ​ដំបូង​បង្អស់​ដែល​បាន​ដាក់​ឱ្យ​ដំណើរការ​សេវា​បច្ចេកវិទ្យា​ជំនាន់​ទី៤ “4G LTE” ក្នុង​ឆ្នាំ​២០១៤ បច្ចេក​វិទ្យា 4G+ ក្នុង​ឆ្នាំ​២០១៦ បច្ចេកវិទ្យា 4G+ ជា​មួយ HD Voice (VoLTE) និង 4G LTE Advance Pro ក្នុងឆ្នាំ២០១៧។ នៅ​ពាក់​កណ្តាល​ឆ្នាំ២០១៩ Smart បាន​រៀបចំ​​កម្មវិធីប​ង្ហាញ​សាក​ល្បង​បច្ចេកវិទ្យា​ជំនាន់​ទី៥ “5G” ដំបូង​គេ​បង្អស់​នៅ​កម្ពុជា​ដោយ​បង្ហាញពី​ភាព​ជា​អ្នក​ដឹក​នាំ​ផ្នែក​សេវា​ទិន្នន័យចល័ត។ ក្រុមហ៊ុន Smart ក៏មាន​ផ្ដល់​នូវ​បច្ចេកវិទ្យា​ទូរស័ព្ទចល័ត​ដ៏​សម្បូរ​បែប​រួម​មាន៖ សេវាបច្ចេក​វិទ្យា 2G, 2.5G, 3G និង​3.75G ក៏​ដូច​ជា​សេវា​កម្ម​ទូរស័ព្ទ​ក្រៅ​ប្រទេស (Roaming) ដែល​អាចប្រើ​បាន​ច្រើន​ជាង ១៩០ប្រទេស។  Smart បាន​និង​កំពុង​ផ្តល់​សេវា​គ្រប​ដណ្តប់​ក្នុង​តំបន់​ប្រជាសាស្ត្រ​ច្រើន​ជាង ៩៩% (កៅ​សិប​ប្រាំ​បួន) ភាគរយ នៅ​ទូរ​ទាំង​ព្រះរាជា​ណាចក្រ​កម្ពុជា ។

ក្រុមហ៊ុន​ក៏​កំពុង​បម្លែង​ខ្លួន​យ៉ាង​សកម្ម​ទៅ​ជា​ប្រតិបត្តិករ​បែប​ឌីជីថល តាម​រយៈ​ការ​ផ្ដល់​នូវ​សេវាកម្ម និង​កម្មវិធី​កម្សាន្ត​​លក្ខណៈ​ស៊ីវិល័យ​ប្រកប​ដោយ​ភាព​ច្នៃប្រឌិត​ជា​ច្រើន។ នេះរួម​បញ្ចូល​ភាពជា​ដៃគូជា​មួយ​ភាគី​អន្តរជាតិ​នានា​ដូច​ជា៖ ក្រុម​ហ៊ុន Universal Music ក្រុម​ហ៊ុន Apple និង ក្រុម​ហ៊ុន Facebook ក៏ដូច​ជា​សេវាកម្ម​ឌីជីថល​នានា រួម​មាន៖ សេវា​ធានារ៉ាប់រង​ជីវិត​ឆ្លា​តវៃ សេវា SmartPay សេវា Pleng by Smart សេវា Pi Pay និង​សេវា SmartNas។ ក្រុមហ៊ុន Smart មាន​ចក្ខុ​វិស័យ​ក្លាយ​ជា​ក្រុមហ៊ុន​លេខ១ និង​ជា​ក្រុមហ៊ុន​បច្ចេក​វិទ្យា​ទូរគម​នាគមន៍​ដែល​ទទួល​បាន​កី្ដ​ស្រលាញ់​ពេញ​ចិត្ត​បំផុត​នៅព្រះ​រាជា​ណា​ចក្រ​កម្ពុជានៅ​ត្រឹម​ឆ្នាំ​២០២២ តាម​រយៈ​កម្មវិធី​ទំនួល​ខុស​ត្រូវ​ខ្ពស់​លើ​កិច្ចការងារ​​សង្គម និង​កម្មវិ​ធីនិរន្តរភាព​នានា​សម្រាប់​កំណើន​សេដ្ឋកិច្ច និង​សង្គម​ជាតិ។

ក្រុមហ៊ុន Smart មាន​បុគ្គលិក​និយោជិត​សរុប​ប្រមាណ​ជាង ១.០០០ (មួយ​ពាន់) នាក់ ក្នុង​នោះ​រួម​បញ្ចូល​ទាំង​និយោជិត​ក្នុង​ស្រុក និង​និយោជិត​បរទេស​ដែល​កំពុង​ខិត​ខំ​ប្រឹង​ប្រែង​ឆ្ពោះ​ទៅ​សម្រេច​បេសកកម្មរួម​គ្នា​ក្នុង​ការផ្សារ​ភ្ជាប់ និង​ធ្វើ​ឱ្យ​ជីវិត​កាន់​តែ​ប្រសើរ​ឡើង។

Smart ជីវិត​រស់​រវើក!