ម៉ាក់ៗសម្រាលកូនរួចអាចជួបបញ្ហាភ្នែក ដោះស្រាយបែបណា?

ពិតណាស់ ម៉ាក់ៗអាចប្រឈមនឹងការប្រែប្រួលរាងកាយ ក្រោយសម្រាលកូនរួច ហើយការប្រែប្រួលមួយចំនួន កើតឡើងនៅក្នុងប្រព័ន្ធរាងកាយខាងក្នុង ដែលនាំឲ្យមានផលប៉ះពាល់ដល់ភ្នែកម៉ាក់ៗថ្មីថ្មោង។

មូលហេតុនៃការប្រែប្រួលលើការមើលឃើញក្រោយសម្រាលកូន

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ព្រឹលភ្នែក

ក្រោយសម្រាលកូនរួច ការចាល់ទឹកនៅថង់ទឹកភ្នែកត្រូវបានរាំងស្ទះ ជាហេតុនាំឲ្យកញ្ចក់ភ្នែកមិនអាចវិលមករកសភាពដើមវិញ និងបណ្ដាលឲ្យយើងព្រឹលភ្នែក។

២. ជំងឺបម្រុងក្រឡាភ្លើង

ទន្ទឹមនឹងនេះដែរ ស្ត្រីដែលមានបញ្ហាលើសសម្ពាធឈាម អាចប្រឈមនឹងជំងឺបម្រុងក្រឡាភ្លើង។ ក្នុងករណីនេះ ម៉ាក់ៗអាចជួបបញ្ហាភ្នែកផ្សេងៗ ដូចជាភ្នែកចាញ់ពន្លឺ ឬព្រឹលភ្នែក។ ដូច្នេះហើយ យើងចាំបាច់ត្រូវពិគ្រោះជាមួយនឹងគ្រូពេទ្យរោគស្រ្តី និងប្រើប្រាស់ថ្នាំដើម្បីព្យាបាលប្រកបដោយប្រសិទ្ធភាព។

៣. ជំងឺទឹកនោមផ្អែមពេលពពោះ

ជាក់ស្ដែង កម្រិតជាតិស្ករក្នុងឈាមអាចប្រែប្រួលក្នុងអំឡុងពេល និងក្រោយសម្រាលកូន។ ការប្រែប្រួលនេះ អាចបំផ្លាញសរសៃឈាមតូចៗ ដែលភ្ជាប់ទៅនឹងរបករ៉េទីនភ្នែក និងអាចប៉ះពាល់ដល់ចក្ខុវិញ្ញាណ ព្រមទាំងបង្កជាបញ្ហាព្រឹលភ្នែក។

រោគសញ្ញានៃការប្រែប្រួលបញ្ហាភ្នែក ក្រោយសម្រាល

រោគសញ្ញាទូទៅមួយចំនួននៃបញ្ហាភ្នែក រួមមាន៖

វិលមុខ
ព្រឹលភ្នែក
ចាញ់ពន្លឺ
រួយភ្នែក
មើលមិនឃើញរយៈពេលខ្លី

ការព្យាបាលបញ្ហាភ្នែកក្រោយសម្រាល

បញ្ហាភ្នែកស្ងួត៖ អាចប្រើសេរ៉ូមប្រៃ ឬពិគ្រោះជាមួយគ្រូពេទ្យឯកទេសភ្នែកក្នុងការប្រើប្រាស់ថ្នាំបន្តក់ភ្នែកដែលស័ក្តិសមទៅនឹងបញ្ហានេះ។

ព្រឹលភ្នែក៖ ប្រសិនបើបញ្ហាព្រឹលភ្នែកនេះមិនបាត់ទៅវិញក្រោយសម្រាលរយៈពេល១០ខែទេនោះ ម៉ាក់គួរតែពិគ្រោះជាមួយនឹងគ្រូពេទ្យឯកទេសភ្នែក។

បញ្ហានៃជំងឺបម្រុងក្រឡាភ្លើង៖ បញ្ហានេះ អាចដោះស្រាយបានយ៉ាងមានប្រសិទ្ធភាពដោយការប្រើប្រាស់ថ្នាំលេបតាមវេជ្ជបញ្ជាឲ្យទាន់ពេលវេលា។

បញ្ហាជំងឺទឹកនោមផ្អែមពេលពពោះ៖ ម៉ាក់គួរធ្វើលំហាត់ប្រាណ និងញ៉ាំរបបអាហារដែលមានតុល្យភាព។

ជាទូទៅ ការប្រែប្រួលការមើលឃើញដែលកើតឡើងអំឡុងពេលពពោះ ច្រើនតែបាត់ទៅវិញនៅរយៈពេលប៉ុន្មានសប្ដាហ៍ ឬប៉ុន្មានខែបន្ទាប់ពីសម្រាលកូនរួច។ យ៉ាងណាមិញ ប្រសិនបើបញ្ហាភ្នែកនេះ នៅតែបន្តរយៈពេលយូរជាងនេះ ម៉ាក់ៗគួរពិគ្រោះជាមួយនឹងគ្រូពេទ្យជំនាញ ទើបជាការប្រសើរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ម៉ាក់ៗសម្រាលកូនរួចអាចជួបបញ្ហាភ្នែក ដោះស្រាយបែបណា?

មូលហេតុ​នៃ​ការ​ប្រែប្រួល​​លើការ​មើល​ឃើញក្រោយ​សម្រាល​កូន

១. ព្រឹល​ភ្នែក​

​​​​​២. ជំងឺ​បម្រុង​ក្រឡា​ភ្លើង

៣. ជំងឺ​ទឹក​នោម​ផ្អែម​ពេល​ពពោះ

រោគសញ្ញា​នៃ​ការ​ប្រែប្រួល​​​បញ្ហា​ភ្នែក​ ក្រោយ​សម្រាល

In Case You Missed It

មូលហេតុនៃការប្រែប្រួលលើការមើលឃើញក្រោយសម្រាលកូន

១. ព្រឹលភ្នែក

២. ជំងឺបម្រុងក្រឡាភ្លើង

៣. ជំងឺទឹកនោមផ្អែមពេលពពោះ

រោគសញ្ញានៃការប្រែប្រួលបញ្ហាភ្នែក ក្រោយសម្រាល