បរទេស៖ ជាការពិតណាស់ ក្រុមគ្រួសារដ៏មានឥទ្ធិពលរបស់ អតីតកីឡាករបាល់ទាត់ David Beckham និងភរិយា Victoria តែងតែធ្វើឱ្យសាធារណជនជាច្រើន ភ្ញាក់ផ្អើលជាមួយនឹងគោលការណ៍ នៃការចិញ្ចឹមកូនៗរបស់ពួកគេ។ ហើយក្បួនច្បាប់ក្នុងការចិញ្ចឹមកូនរបស់ប្ដីប្រពន្ធដ៏ល្បីមួយគូនេះ ពិតជាធ្វើឲ្យឪពុកម្តាយទូទៅគួរតែរៀនតាម។ ក្នុងនោះច្បាប់នៅក្នុងគ្រួសាររបស់ពួកគេ គឺមានដូចជា៖
១. មិនអាចបង្ហោះនៅលើបណ្តាញសង្គម ដោយគ្មានការយល់ព្រមពីឪពុក
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក David Beckham ហាក់បីដូចជា តឹងរ៉ឹងខ្លាំងជាមួយនឹងការប្រើប្រាស់បណ្តាញសង្គមរបស់កូនៗ ហើយរូបលោកក៏ធ្លាប់បាននិយាយថា កូនប្រុសរបស់លោក នឹងមិនបង្ហោះអ្វីនៅលើ Instagram ដោយ គ្មានការយល់ព្រមពីឪពុកម្តាយរបស់ពួកគេនោះទេ។ ជាពិសេស ប្ដីប្រពន្ធអ្នកទាំងពីរ គឺជាអ្នកគ្រប់គ្រងរាល់សកម្មភាពក្នុងប្រព័ន្ធផ្សព្វផ្សាយសង្គមរបស់កូនពួកគេ ដោយធ្វើឱ្យកូនៗមានសុវត្ថិភាពតាមអ៊ីនធើណែត ក៏ដូចជាក្នុងជីវិតពិត។
២. កំណត់ច្បាប់អំពីការណាត់ជួបរបស់កូនៗ
នេះគឺជារឿងសំខាន់មួយ ដែលគ្រួសារ លោក David Beckham តែងតែយកចិត្តទុកដាក់យ៉ាងខ្លាំង ព្រមទាំងត្រូវបានគេដឹងថា ការអនុវត្តច្បាប់ណាត់ជួបដំបូងនេះ គឺសម្រាប់កូនច្បង Brooklyn ដែលត្រូវធ្វើតាមច្បាប់កំណត់ដោយឪពុកម្ដាយយ៉ាងតឹងរ៉ឹង។
៣. សង្កត់ធ្ងន់ទៅលើការគោរព
ការគោរព និងការគិតពិចារណា គឺជាការគិតដ៏សំខាន់មួយរបស់ David Beckham។ បើទោះបីជា មានទ្រព្យសម្បត្តិ និងកេរ្តិ៍ឈ្មោះក៏ដោយ ក៏ប្តីប្រពន្ធមួយគូនេះ បានបញ្ជាក់យ៉ាងច្បាស់ថា ពួកគេចង់ឱ្យកូនៗរស់នៅក្នុងជីវិតប្រកបដោយភាពរាបទាប ការគួរសម ការគោរព និងជួយអ្នកដទៃ។
៤.គ្រួសារគឺជារឿងសំខាន់
ក្នុងនោះដែរ David និង Victoria Beckham បានលើកឡើងថា ការបណ្តុះស្នេហាក្នុងគ្រួសារ ក៏ដូចជាការរក្សាគ្រួសារឱ្យមានសុភមង្គល គឺជាអាទិភាពកំពូលសម្រាប់អ្នកទាំងពីរ ។
៥. ការធ្វើពលកម្ម គឺជាកត្តាចាំបាច់
Victoria Beckham ត្រូវបានគេស្គាល់ថា ជាមនុស្សឧស្សាហ៍ព្យាយាម និង ធ្លាប់ជាតារាប៉ុបដ៏ជោគជ័យបំផុតក្នុងសិល្បៈកម្សាន្ត និងបន្តជោគជ័យក្នុងការបង្កើតម៉ូដដ៏ល្បីល្បាញនៅលើទីផ្សារអន្តរជាតិ ដូច្នេះ នាង តែងតែចង់ផ្សព្វផ្សាយក្តីស្រឡាញ់ចំពោះការងាររបស់ខ្លួនដើម្បីកូនៗ ផងដែរ។ ក្នុងនោះដែរ បើទោះបីជាកូនៗរបស់ពួកគេ មានសេរីភាពក្នុងការធ្វើអ្វីដែលពួកគេចូលចិត្តក៏ដោយ តែដើម្បីសម្រេចបាននូវសមិទ្ធផលជាក់លាក់ កូនៗត្រូវធ្វើការតស៊ូព្យាយាម មិនមែននៅស្ងៀមមួយកន្លែងដោយមិនធ្វើអ្វីសោះឡើយ។
៦. ផ្តល់ឲ្យកូននូវសិទ្ធិក្នុងការជ្រើសរើស
ក្នុងនោះដែរ នៅក្នុងគ្រួសាររបស់ពួកគេ ហាក់មិនមានសម្ពាធ ក្នុងការបង្ខំកូនឱ្យដើរតាមគន្លងរបស់ឪពុកពួកគេទេ ដោយពួកគេមានសិទ្ធិជ្រើសរើសការងារនាពេលអនាគតអាស្រ័យលើចំណាប់អារម្មណ៍ និងចំណង់ចំណូលចិត្ត។
៧. ធ្វើជាគំរូល្អ
ក្នុងនោះដែរ Beckhams បានគាំទ្រទៅលើចំណុចមួយ ដែលឪពុកម្តាយ ត្រូវតែទទួលស្គាល់នូវកំហុសនៅពេលដែលពួកគេបានធ្វើខុសឬរឿងជាច្រើនទៀត ដើម្បីធ្វើជាគំរូដល់កូនៗរបស់ពួកគេ។
ប្រភព៖ Ngoisao.vn
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
