ករណីឆ្លងអ៊ុតស្វានៅអាមេរិក កើនលើសជាង ២ម៉ឺនករណី បានក្លាយជាប្រទេសឆ្លងច្រើនបំផុត

បរទេស៖ តាមរយៈធ្វើការចេញផ្សាយ ករណីឆ្លងជំងឺអុតស្វា នៅសហរដ្ឋអាមេរិកបានកើនលើស ២ ម៉ឺនករណីហើយ ដែលចំនួនតួលេខនេះ បានធ្វើឲ្យសហរដ្ឋអាមេរិក ក្លាយជាប្រទេស ដែលមានករណីឆ្លងជម្ងឺអុតស្វា ខ្ពស់ជាងគេបំផុតនៅលើពិភពលោក។

យោងតាមទិន្នន័យពីមជ្ឈមណ្ឌលគ្រប់គ្រង និងបង្ការជំងឺបានឱ្យដឹងថា រដ្ឋដែលរាយការណ៍ចំនួនករណីខ្ពស់បំផុតរួមមានរដ្ឋកាលីហ្វ័រញ៉ា តិចសាស់ ផ្លរីដា ហ្សកហ្ស៊ី អ៊ីលីណយ និងញូវយ៉ក ហើយរដ្ឋដែលមានករណីឆ្លងច្រើនជាងគេគឺ រដ្ឋកាលីហ្វ័រញ៉ា មានចំនួន ៤,៣០០ករណី ហើយទី២ គឺទីក្រុងញូវយ៉ក មាន ៣,៥១៩ករណី និងទី៣រដ្ឋផ្លរីដា ចំនួន ២,១៩៣ ករណី៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព៖ usnews

• Monkeypox