គំរោង វីឡា ដ្រេហ្គនលែន 598 បានធ្វើពិធីសម្ពោធជាផ្លូវការ បង្កើតនូវបទពិសោធន៍នៃការរស់នៅដ៏ពិសេសមួយ "សម្រាប់សមាជិកវរជន"

ភ្នំពេញ៖ ក្រុមហ៊ុន Dragonland Investment Co.Ltd.ដែលវិនិយោគគម្រោងដំបូងរបស់ក្រុមហ៊ុនគឺ “គំរោង វីឡា ដ្រេហ្គនលែន 598”ធ្វើពិធីសម្ពោធជាផ្លូវការ នៅរសៀលថ្ងៃទី១០ ខែកញ្ញា ឆ្នាំ២០២២ នៅលើផ្លូវ ជា សុផារ៉ា រាជធានីភ្នំពេញ។

ក្រោមវត្ដមានឯកឧត្តម កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គីសនីកម្ពុជា  អ្នកឧកញ៉ា កុក អាន  រួមទំាងភ្ញៀវកតិ្ដយសជាច្រើនរូបទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Dragonland Investmentមានម្ចាស់ភាគហ៊ុនចំនួន ៣ រួមមានលោក ភូ សែ ពីង ប្រធានក្រុមហ៊ុន លោក ឈុន ហេងឡេង ជានាយកក្រុមហ៊ុននិងលោក ជែគី តាំង ជានាយកប្រតិបត្តិនៃក្រុមហ៊ុន។

ក្រុមហ៊ុន Dragonland Investmentមានម្ចាស់ភាគហ៊ុនចំនួន ៣ រួមមានលោក ភូ សែ ពីង ប្រធានក្រុមហ៊ុន លោក ឈុន ហេងឡេង ជានាយកក្រុមហ៊ុននិងលោក ជែគី តាំង ជានាយកប្រតិបត្តិនៃក្រុមហ៊ុន។

លោក ភូ សែ ពីង ប្រធានក្រុមហ៊ុន បានបញ្ជាក់ថា៖ ថ្ងៃនេះ ជាថ្ងៃដែលពួកយើងប្រារព្ធពិធីបើកសម្ពោធ Dragon Land និងជាថ្ងៃសំគាល់់ចំនុចសំខាន់មួយនៅក្នុងប្រទេសកម្ពុជាដែលបង្ហាញអំពី "ការកំណត់ស្តង់ដារថ្មីក្នុងការរស់នៅបែបប្រណិត"។ Dragon land នឹងក្លាយជាអ្នកត្រួសត្រាយផ្លូវ និងជាអ្នកបង្កើតវីឡាប្រណិតទូទាំងប្រទេសកម្ពុជា និងនៅក្នុងតំបន់។

លោកបន្តថា គម្រោង Dragon landមានទំហំដីសរុបនៃ 40,585 ម2  រួមមាន វីឡាប្រណិត ចំនួន ៨១  សបហោស ចំនួន ២២។

ក្រុមហ៊ុនមាន ១ ហិតា នៃ សួនច្បារ fountain square ជាមួយនឹងការបន្ថែម 8944ម2 នៃទេសភាពសហគមន៍ និងផ្លូវដើរថ្មើរជើងប្រវែង  ១ គីឡូ  ជុំវិញបុរី។ ហើយត្រូវបានសាងសង់សម្រាប់ "សមាជិកនៃវរជន"។

លោកបានមានប្រសាសន៍ទៀតថា គំនិតនៃការរស់នៅបែបប្រណិត មិនមែនសុទ្ធតែអាស្រ័យទៅលើការពេញចិត្តនិងសម្ភារៈនិយមមួយមុខនោះទេ ប៉ុន្តែក៏ជាបទពិសោធន៍នៃការរស់នៅ និងការរចនាដ៏ល្អបំផុតផងដែរ។Dragon Land ប្រើប្រាស់គំនិរចនាស្ថាបត្យកម្មទំនើប និងអន្តរជាតិ អំឡុងពេលដែលគិតគូរយ៉ាងម៉ត់ចត់អំពីលក្ខណៈ និងវប្បធម៌នៃការរស់នៅរបស់ប្រទេសកម្ពុជា។

លោកក៏បានបញ្ជាក់ផងដែរថា ចាប់ផ្តើមពីគំនិតនៃការរចនារហូតដល់ការបញ្ចប់សាងសង់ កត្តាបរិស្ថាននៃការរស់នៅទាំងអស់រួមមានពន្លឺថ្ងៃ និងខ្យល់ចេញចូលបែបធម្មជាតិត្រូវបានគិតគូពិចារណាយ៉ាងយកចិត្តទុកដាក់។

ពីព្រោះគម្រោងនេះក៏មានទីតាំងមួយចំនួនដែលនៅជិតសម្រាប់ការធ្វើដំណើររបស់អតិថិជន ដោយមានចម្ងាយពីស្នងការនគរបាលចម្ងាយ ២១០ មែត្រ ផ្សារទំនើបអ៊ីអន២ ចម្ងាយ ៣ គម ផ្សារទំនើប ម៉ាក្រូ  និង ក្លូបលហៅស៍ ចម្ងាយ ៤ គម ទីលានវាយកូនគោលហ្គេនភ្នំពេញ ចម្ងាយ ៣.១គម ទីលានវាយកូនគោលហ្គាឌិនស៊ីធី ចម្ងាយ ១៣ គម ដែលកន្លែងទាំងអស់នេះមានភាពងាយស្រួលសម្រាប់អ្នករស់នៅក្នុងបុរី។

លោកបន្តថា៖  

លោក ភូ សែ ពីង បានបញ្ជាក់បន្តថា ក្រៅពីលក្ខខណ្ឌរស់នៅដ៏ប្រណិតខាងលើយើងបានបង្កើតបន្ទប់ សម្រាប់ចតយានយន្តនៅជាន់ផ្ទាល់ដីដែល  បាន ខណ្ឌចែកដាច់ពីទេសភាពសហគមន៍ដែលនៅជាន់ទី១។

លោកពន្យល់ថា៖

ក្រុមហ៊ុនក៏បានបង្កើតទីលានសួនច្បារ ដែលមានផ្ទៃដី១០០០០ម៉ែត្រការ៉េ ក្នុងនោះដែលមានទីលានវាយកូនហ្គោលខ្នាតតូចចំនួន 2 កន្លែងបាញ់ទឹកនិងរុក្ខជាតិបៃតង ដែលអនុញ្ញាតឱ្យអ្នកចំណាយពេលជាមួយមនុស្សជាទីស្រលាញ់ របស់អ្នក។

លោកបន្តថា៖  

លោក ភូ សែ ពីង បានគូសបញ្ជាក់ផងដែរថា 

ទោះជាយ៉ាងនេះក្តី ក៏ពួកយើងមិនទាន់បញ្ចប់នៅត្រឹមនេះទេ នៅខាងមុខដីនេះ យើងនឹងសាងសង់អគារខុនដូប្រណិតចំនួន ៤ និងអគារការិយាល័យចំនួន ២ បន្ថែមទៀត។

ចំណែកលោក ឈុន ហេងឡេង នាយកក្រុមហ៊ុន Dragon landនៅពេលទទួលកិច្ចសម្ភាសន៍ពីសំណាក់អ្នកយកព័ត៍មានបានមានប្រសាសន៍ថា គម្រោងដែលមានទីតាំងនៅសង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញនេះគម្រោងនេះបានចែកចេញជា២ដំណាក់កាល ដែលក្នុងនោះដំណាក់កាលទី១ មាន៤ហិតា សាងសង់វីឡាចំនួន៨១ និងផ្ទះល្វែងចំនួន២២ល្វែងរួចមកហើយ។

និងជាជំហានបន្ទាប់និងត្រូវសាងសង់នៅតាមបណ្រោយផ្លូវ៥៩៨ គ្រោងនិងចាប់ផ្តើមសាងសង់ផ្សារទំនើប អគាការិយាល័យកំពស់៣២ជាន់ និងខុនដូ៥អាគាទៀតដែលមានកំពស់២៨ជាន់។

លោក ឈុន ហេងឡេង បានបន្តទៀតថា មកដល់ពេលនេះសម្រាប់អតិថិជនដែលបានគាំទ្រ និងទិញផ្ទះវីឡាមានចំនួន២៦វីឡា និងផ្ទះល្វែងបាន៤ល្វែងហើយ ។

លោកបានបញ្ជាក់ថា  ចំណុចសំខាន់ដែលលោកចាប់អារម្មណ៍អភិវឌ្ឍន៍ក្នុងតំបន់នេះដោយមើលឃើញថាទីតាំងនេះជាទីប្រជុំជនថ្មីមានប្រជាជនរស់នៅច្រើន ជាកន្លែងអភិវឌ្ឍន៍ មានផ្សាទំនើប មានក្រសួងស្ថាប័នរដ្ឋជានានាជាច្រើនផងដែរ។

“វីឡា DragonLandសំរាប់សមាជិកនៃវរជន”