ជីវិតប្ដីប្រពន្ធក្នុងរឿង «បងប្អូនទាំង១០» កាន់តែស្រស់បំព្រង មានកូនស្រីស្អាតខ្លាំង

ហុងកុង៖ ថ្មីៗនេះ នៅក្នុងកម្រងរូបថតជាច្រើនសន្លឹករបស់ តារាសម្ដែងស្រី Kenix Kwok ដែលបានចែករំលែកនៅលើ Instagram ក្នុងឱកាសពិធីបុណ្យសែនព្រះខែកន្លងទៅនេះ បានបង្ហាញឲ្យឃើញ ពីមុខមាត់កូនស្រីរបស់ខ្លួនដ៏គួរឲ្យចាប់អារម្មណ៍។

ក្នុងនោះដែរ កូនស្រីរបស់តារាសម្ដែងស្រីរូបនេះ ត្រូវបានគេស្គាល់ឈ្មោះថា Tania ព្រមទាំងបង្ហាញពីសម្រស់និងមុខមាត់ស្រទន់ និងសក់វែង ព្រមទាំងត្រូវបានគេមើលឃើញថា កូនស្រីដ៏គួរឲ្យស្រលាញ់ម្នាក់នេះ ​មាន​កម្ពស់​ដូច​ម្ដាយ ក៏ដូចជាមានមុខមាត់ស្រដៀងទៅនឹងម្ដាយផង និងឪពុកផង ដែលជាតារាសម្តែង លោក Frankie Lam ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ យោងតាមទំព័រល្បី​​Sinchew បានបង្ហាញថា Tania ដែលជាកូនស្រីរបស់តារាសម្ដែងទាំងពីររូបនេះ គឺមិនត្រឹមតែជាស្រីស្អាតប៉ុណ្ណោះទេ តែថែមទាំងមាន កំណត់ត្រាសិក្សាដ៏ល្អផងដែរ ខណៈដែលក្មេងស្រីរូបនេះ បានឈ្នះជើងឯកសិក្សាបីឆ្នាំជាប់ៗគ្នានៅសាលា និងបានធ្វើឲ្យឪពុកម្តាយ កាន់តែមានមោទកភាពយ៉ាងខ្លាំង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន