ក្រោយមានរឿងមិនឈប់​ Kwan បង្ហើបពីការលាឈប់ពីសិល្បៈ

ថៃ៖ បន្ទាប់ពីរឿងចម្រូងចម្រាស ជាបន្តបន្ទាប់ តារាសម្ដែងស្រី Kwan Usamanee ក៏បានក្លាយជាទីចាប់អារម្មណ៍របស់មហាជន ជាពិសេស នៅពេលដែលនាងបានបង្ហើបពីដំណើរជីវិត ដែលបានរៀបចំត្រៀមទុកនាពេលអនាគត។

ក្នុងនោះដែរ តារាស្រីរូបនេះ បានធ្វើឲ្យហ្វេនៗមានភាពភ្ញាក់ផ្អើលយ៉ាងខ្លាំង ជាមួយនឹងការផ្ដល់បទសម្ភាសន៍មួយ បង្ហាញពីការរៀបចំគោលដៅជីវិត ខណៈដែលបានបញ្ជាក់ថា ពេលនេះនាងមានអ្នកយល់ចិត្តរួចហើយ ព្រមទាំងចង់​​មាន​គ្រួសារទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យយកចិត្តទុកដាក់ជាងនេះ នោះគឺ តារាស្រី Kwan ថែមទាំងបានបង្ហើបពីរឿងសាងអនាគត នៅពេលដែលត្រូវបានគេសួរនាំពីការលាឈប់ពីសិល្បៈក្នុងរយៈពេល ៥ ឆ្នាំខាងមុខនេះ ដោយរូបនាងបានលើកឡើងថា រូបនាងគួរ​តែ​រៀបការ​មិន​លើស​ពី​៥​ឆ្នាំ​ទេ បើ​មិន​ដូច្នេះ​ទេ​ នាងក៏មិន​អាច​មាន​កូន​បាន​ដែរ។ តែយ៉ាងណាមិញ តារាស្រីរូបនេះ ក៏នៅតែអះអាងថា ប្រសិនបើវាមិនមែនបែបនោះ នាងនៅតែអាចរស់នៅម្នាក់ឯងបាន គឺរស់នៅដើម្បីខ្លួនឯងដើម្បីបុគ្គលិក និងដើម្បីសាច់ញាតិរបស់នាង ដែលចាំនៅពីក្រោយខ្លួននាង ផងដែរ៕

ប្រភព៖ Sanook

សូមទស្សនារូបភាពខាងក្រោម៖​ 

• តារាថៃ