ហុងកុង៖ មហាសេដ្ឋីហុងកុង Richard Li បានសន្យាថានឹងបរិច្ចាគ ១០ លានដុល្លារហុងកុង (១.២៨ លានដុល្លារអាមេរិក ) ដល់អ្នករាំ Mo Li ដែលបានរងរបួសយ៉ាងធ្ងន់ធ្ងរអំឡុងពេលការប្រគុំតន្ត្រីរបស់ក្រុម Mirror នៅ Hong Kong Coliseum កាលពីខែកក្កដា។
លើសពីនេះ លោក Richard ប្រធានក្រុមហ៊ុន PCCW ដែលជាក្រុមហ៊ុនមេរបស់អ្នករៀបចំការប្រគុំតន្ត្រី Mirror MakerVille បាននិយាយថា ក្រុមហ៊ុនក៏នឹងរ៉ាប់រងលើថ្លៃព្យាបាលរបស់ Mo ផងដែរ ក្រោយពីការប៉ះទង្គិចមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសេចក្តីថ្លែងការណ៍មួយ លោក Richard បានចែករំលែកថា រូបលោកបានទៅសួរសុខទុក្ខ Mo នៅមន្ទីរពេទ្យកាលពីសប្តាហ៍មុន ហើយមានការសោកស្ដាយ ចំពោះការឈឺចាប់ដែលឧបទ្ទវហេតុបានបណ្តាលឱ្យ មានរឿងនឹកស្មានមិនដល់បែបនេះ។
ទៀតសោត ខណៈពេលដែលលោក ទទួលស្គាល់ថាជំនួយផ្នែកហិរញ្ញវត្ថុមិនអាចកាត់បន្ថយការឈឺចាប់របស់ពួកគេបាន រូបលោកសង្ឃឹមថានឹងប្រឹងប្រែងឱ្យអស់ពីសមត្ថភាព ដើម្បីជួយពួកគេតាមគ្រប់មធ្យោបាយដែលអាចធ្វើបាន។
លោកបានបន្ថែមថា ជំនួយផ្នែកហិរញ្ញវត្ថុនឹងត្រូវបានផ្តល់ដល់គ្រួសារដោយមិនគិត ពីការរកឃើញនៃការស៊ើបអង្កេតរបស់ក្រុមការងារនោះទេ។ ទែទោះជាយ៉ាងណាក៏ដោយ ឪពុករបស់ Mo បែរជាបាន «បដិសេធ» ការបរិច្ចាគមួយនេះ ចំពោះមូលហេតុរូបលោកមិនបានបញ្ចាក់នោះ ហើយក៏មិនយការផ្តល់ជំនួយផ្សេងទៀតឡើយ រហូតដល់ការស៊ើបអង្កេតបានបញ្ចប់។
គួរឲ្យដឹងថា អេក្រង់ LED ទម្ងន់ ៦០០ គីឡូក្រាមបានធ្លាក់លើអ្នករាំវ័យ ២៧ ឆ្នាំ នៅពេលដែលកំពុងសម្តែងនៅលើឆាកដោយបានបាក់ឆ្អឹងកងខ្នង មិនត្រឹមតែប៉ុណ្ណោះ មានហានិភ័យនៃការខ្វិនពីកចុះក្រោម ហើយគ្រូពេទ្យជឿថាមានឱកាស ៩៥ ភាគរយដែលឆ្អឹងខ្នង និងសរសៃប្រសាទរបស់លោក «មិនអាចជាសះស្បើយពេញលេញនោះទេ»៕
ប្រភព៖ https://www.8days.sg/
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
