ជំងឺទាំង ៤ឧស្សាហ៍កើតលើកុមារ ប៉ាម៉ាក់គួរដោះស្រាយបែបណា?

ជាទូទៅ ទារក និងកុមារឧស្សាហ៍ឈឺណាស់ ដោយសារប្រព័ន្ធភាពស៊ាំកូននៅទន់ខ្សោយ ហើយមេរោគងាយឆ្លងចូលក្នុងរាងកាយ។ ដូច្នេះហើយ ប្រការសំខាន់ ប៉ាម៉ាក់គួរយល់ដឹងអំពីប្រភេទជំងឺឧស្សាហ៍កើតលើទារក និងកុមារ ក៏ដូចជាវិធីសាស្ត្រព្យាបាលនៅផ្ទះដែលអាចអនុវត្តបាន និងត្រូវបានទទួលស្គាល់ដោយក្រុមគ្រូពេទ្យជំនាញ។

ខាងក្រោមនេះ ជាជំងឺឧស្សាហ៍កើត និងវិធីសាស្ត្រព្យាបាលដែលសមស្រប។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ជំងឺផ្ដាសាយ

តើកូនមានអាការៈតឹងច្រមុះ ហៀរសំបោរ និងចេញទឹកភ្នែកឬអត់? មានកណ្ដាស់ និងក្អកដែរទេ? រោគសញ្ញាទាំងនេះ បញ្ជាក់ថាកូនមានជំងឺផ្ដាសាយហើយ។ ពិតណាស់ ជំងឺផ្ដាសាយកើតឡើងជាញឹកញាប់លើទារក និងកុមារ។ ម្យ៉ាងវិញទៀត ក្នុងករណីដែលសីតុណ្ហភាពរាងកាយរបស់ក្មេងក្ដៅ នោះបានន័យថាកូនមានជំងឺគ្រុនក្ដៅ។

ប្រការគួរធ្វើ៖

ឲ្យកូនញ៉ាំទឹកឲ្យបានច្រើន ដើម្បីរក្សាជាតិទឹកក្នុងរាងកាយ ឬទឹកផ្លែឈើដែលមានជាតិស្ករទាប
ជៀសវាងនៅកន្លែងដែលមានមនុស្សច្រើន ឬនៅជិតក្មេងដទៃទៀតដែលមានជំងឺ
បង្រៀនកូនឲ្យចេះប្រើក្រដាសជូតមាត់ ដើម្បីញើសសំបោរ ឬខ្ទប់មាត់ នៅពេលកណ្ដាស់
នាំកូនទៅជួបជាមួយគ្រូពេទ្យ ប្រសិនបើក្មេងមិនធូរស្បើយក្នុងរយៈពេលពីរបីថ្ងៃ ឬប្រសិនបើអាអូនមានអាការៈគ្រុនក្ដៅ

២. រលាកថង់សួត និងរលាកទងសួត

រោគសញ្ញាពិបាកដកដង្ហើម ដកដង្ហើមញាប់ អាចបណ្តាលមកពីផ្លូវដង្ហើមរបស់ក្មេងបានឆ្លងមេរោគ។

ប្រការគួរធ្វើ៖

ឲ្យកូនញ៉ាំទឹកឲ្យបានច្រើន និងទឹកផ្លែឈើដែលមានវីតាមីនCខ្ពស់
ជៀសវាងកន្លែងដែលមានផ្សែងបារី ពីព្រោះផ្សែងបារីអាចបណ្ដាលឲ្យស្ថានភាពសុខភាពរបស់ក្មេងកាន់តែយ៉ាប់យ៉ឺន
ចូរនាំកូនទៅជួបគ្រូពេទ្យ ប្រសិនបើក្មេងពិបាកដកដង្ហើម ល្ហិតល្ហៃ អស់កម្លាំង ឬមិនព្រមញ៉ាំអាហារ។

៣. ជំងឺរលាកក្រពះពោះវៀន

តើកូនប្រឈមនឹងបញ្ហាចង្អោរ ឬក្អួតដែរទេ? ហើយលាមកមានក្លិនមិនល្អខ្លាំង និងរាវ? រោគសញ្ញាទាំងនេះ បញ្ជាក់ថាកូនមានជំងឺរលាកក្រពះហើយ ឬឆ្លងមេរោគនៅក្នុងពោះវៀន។ រោគសញ្ញាផ្សេងទៀត រួមមានឈឺសាច់ដុំ ឈឺពោះ និងក្ដៅខ្លួនតិចតួច។

ប្រការគួរធ្វើ៖

ដើម្បីបំពេញជាតិទឹក និងអំបិលដែលបានបាត់បង់ ចូរឲ្យកូនញ៉ាំទឹកឲ្យបានច្រើន ឬទឹកផ្លែឈើដែលមិនផ្ទុកជាតិទឹកដោះគោ
នៅឲ្យឆ្ងាយពីអ្នកផ្សេង ពីព្រោះជំងឺនេះអាចចម្លងទៅអ្នកផ្សេងបាន
នាំកូនទៅជួបជាមួយនឹងគ្រូពេទ្យ នៅពេលដែលរោគសញ្ញាមិនបាត់ទៅវិញ ឬកាន់តែយ៉ាប់យ៉ឺនខ្លាំង។

៤. ជំងឺត្រអក

ទន្ទឹមនឹងនេះដែរ រោគសញ្ញាកន្ទួលក្រហម រមាស់នៅលើអវយវៈ មុខ ឬដងខ្លួន អាចជាជំងឺត្រអក។ ជាទូទៅ ជំងឺត្រអកច្រើនកើតលើក្មេងដែលមានប្រវត្តិគ្រួសារកើតជំងឺត្រអក និងបញ្ហាពាក់ព័ន្ធដទៃទៀត ដូចជាហឺត ឬអាលែកហ្ស៊ី ប៉ុន្តែជំងឺនេះមិនឆ្លងនោះទេ។

ប្រការគួរធ្វើ៖

ផ្ដល់សំណើមដល់ស្បែករបស់ក្មេង និងប្រើក្រែមពពួកTopical steroid ដែលណែនាំដោយគ្រូពេទ្យ
ឲ្យកូនញ៉ាំថ្នាំប្រឆាំងនឹងអាការៈរមាស់ មុនពេលចូលគេង ដើម្បីឲ្យកូនគេងលក់ស្រួល តាមការណែនាំ
ជៀសវាងភ្នាក់ងារបង្ករោគ ដូចជារោមសត្វ ធូលី ផ្សែងបារី និងស្រ្តេស
ប្រើសាប៊ូដុសខ្លួនដែលគ្មានជាតិកាត់ និងឲ្យកូនស្លៀកសំលៀកបំពាក់រលុងៗ
នាំចូលទៅជួបជាមួយគ្រូពេទ្យ ប្រសិនបើអាការៈរមាស់ប៉ះពាល់ដល់សកម្មភាពប្រចាំថ្ងៃ ឬដំណេក។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ជំងឺទាំង ៤ឧស្សាហ៍កើតលើកុមារ ប៉ាម៉ាក់គួរដោះស្រាយបែបណា?

១. ជំងឺ​ផ្ដាសាយ

​​២. រលាក​ថង់​សួត និង​រលាក​ទង​សួត

៣. ជំងឺ​រលាក​ក្រពះ​ពោះវៀន

៤. ជំងឺ​ត្រអក

In Case You Missed It

១. ជំងឺផ្ដាសាយ

២. រលាកថង់សួត និងរលាកទងសួត

៣. ជំងឺរលាកក្រពះពោះវៀន

៤. ជំងឺត្រអក