ជប៉ុន ចេញការព្រមានអំពីព្យុះទីហ្វុងខ្លាំង មានឈ្មោះ Nanmadol នៅខេត្ត Kagoshima

ជប៉ុន៖ មនុស្សរាប់ពាន់នាក់ត្រូវបានជម្លៀសចេញ ខណៈដែល «ព្យុះទីហ្វុង» មានឈ្មោះថា Nanmadol នឹងនាំមកនូវខ្យល់បក់កម្លាំងខ្លាំង និងភ្លៀងធ្លាក់យ៉ាង មិនធ្លាប់មានលើភាគខាងត្បូងប្រទេសជប៉ុន ត្រូវបានគេរំពឹងថានឹងទៅដល់ទីក្រុងតូក្យូនៅថ្ងៃអង្គារ។

តាមប្រភពដដែល បានលើកឡើងថា ព្យុះទីហ្វុង Nanmadol នឹងបោកបក់មកលើកោះ Kyushu ភាគខាងត្បូងរបស់ប្រទេសជប៉ុន កាលពីថ្ងៃអាទិត្យ ដោយនាំមកនូវខ្យល់បក់បោកខ្លាំង ក៏ដូចជាភ្លៀងធ្លាក់ខ្លាំងនៅតាមតំបន់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោត មនុស្សរាប់ពាន់នាក់ នឹងត្រូវបានជម្លៀសចេញ ហើយទីភ្នាក់ងារឧតុនិយមជប៉ុន (JMA) បានព្រមានអំពីស្ថានភាពដែលមិនធ្លាប់មានពីមុនមក ពួកគេនិយាយថា ព្យុះទីហ្វុងដ៏ខ្លាំងនេះ អាចបង្កជាគ្រោះមហន្តរាយ ដែលត្រូវបានគេឃើញ តែម្តងគត់ក្នុងរយៈពេល ពីរ បី ទសវត្សរ៍ចុងក្រោយ។

យោងតាមប្រព័ន្ធផ្សព្វផ្សាយសាធារណៈ NHK-World Japan បានឱ្យដឹងថា មនុស្សប្រហែល ២លាននាក់នៅភាគនិរតីនៃប្រទេសជប៉ុន ត្រូវបានបញ្ជាឱ្យជម្លៀសចេញ មុនពេលដែលព្យុះទីហ្វុងដ៏មានឥទ្ធិពលមួយនឹងវាយប្រហារតំបន់នេះ កាលពីថ្ងៃអាទិត្យ៕

ប្រភព៖ NHK-World Japan

សូមទស្សនារូបភាពខាងក្រោម៖