ដោយសារមានអ្នកការពារជាង១០នាក់ បវរកញ្ញាថៃ Engfa ត្រូវគេថាឲ្យបែបនេះ

ថៃ៖ កាលពីថ្ងៃទី ១៩ ខែកញ្ញាកន្លងទៅ យោងតាមកាសែតក្នុងស្រុកថៃ បានចុះផ្សាយពី Engfa Waraha ដែលត្រូវបានគេស្គាល់ថា ជា Miss Grand Thailand ២០២២ ដោយរូបនាងបានរងការរិះ.គ.ន់ ពីរឿងដែលត្រូវបានហ៊ុំព័ទ្ធដោយបុគ្គលិកសន្តិសុខពេលដើរទិញឥវ៉ាន់។

ក្នុងនោះដែរ តាមរយៈវីដេអូដែលថតបានពីទិដ្ឋភាពរបស់ Engfa Waraha បានបង្ហាញឲ្យឃើញថា បវរកញ្ញារូបនេះ ត្រូវបានក្រុមសន្តិសុខ ជាង១០នាក់ ដើរហែហមការពារ នៅមជ្ឈមណ្ឌលលក់ទំនិញមួយកន្លែង ដែលសកម្មភាពបែបនេះ ហាក់កំពុងតែរីករាលដាលនៅលើបណ្តាញសង្គមថៃ និងទាក់ទាញការរិះ.គ.ន់ចម្រុះ ដោយមានមតិមួយចំនួនបានលើកឡើង ថាតើនាងបានធ្វើអ្វីខ្លះទៅហេតុអី បានជាត្រូវមានមនុស្សការពារច្រើនយ៉ាងនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក៏នៅមាន​ទស្សនិកជន​ជាច្រើន បានចេញ​មុខ​ការពារ Engfa Waraha ដោយបាននិយាយប្រកែកទៅវិញ​ថា ការ​ការពារ​របស់​នាង ​គឺ​ជា​ការ​ចាំ​បាច់​ដើម្បី​ជៀស​វាង​ ពីអ្នកគាំទ្រ​ជ្រុល​និយម ក៏ដូចជាមនុស្សមានបំណងមិនល្អ ដែលអាចបង្កឱ្យមានសំឡេងរំខាននៅក្នុងហាងទំនិញ ដូច្នេះហើយ វាគឺជាការចាំបាច់សម្រាប់នាង ក្នុងការការពារ។

គួរបញ្ជាក់ផងដែរថា Engfa Waraha បានទទួលភាពល្បីល្បាញ នៅពេលដែលនាងបានឈ្នះការប្រលង Miss Grand Thailand ២០២២ ហើយកាលពីមុននោះ នាងក៏បានចូលរួមក្នុងការប្រលង The Voice Thailand ឆ្នាំ ២០១៨ និងបានចេញនូវផលិតផលចម្រៀងមួយចំនួន ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាថៃ