យ៉ាងហោចណាស់មនុស្ស២នាក់ ត្រូវបានឆ.ក់យ.ក.ជី.វិត ព្រោះព្យុះទីហ្វុង Nanmadol វាយប្រ.ហា.រកោះមួយ ប្រទេសជប៉ុន

ជប៉ុន៖ ប្រព័ន្ធផ្សព្វផ្សាយក្នុងស្រុក បានរាយការណ៍ថា មនុស្សពីរនាក់បានស្លាប់ និងយ៉ាងហោចណាស់មនុស្ស ៤៣ នាក់បានរងរបួស បន្ទាប់ពីព្យុះទីហ្វុង Nanmadol បានបោកបក់លើកោះ Kyushu របស់ប្រទេសជប៉ុនកាលពីយប់ថ្ងៃអាទិត្យ ជាមួយនឹងស្ថានភាពធ្ងន់ធ្ងរ នៅតែបន្តកើតមាននៅថ្ងៃចន្ទ។

យោងតាមទីភ្នាក់ងារឧតុនិយមជប៉ុន (JMA) បានឱ្យដឹងថា ព្យុះទីហ្វុងនេះ នឹងប៉ះពាល់ដល់តំបន់ដ៏ធំ មួយពីភាគខាងលិចប្រទេសជប៉ុនទៅកាន់ភាគខាងជើងប្រទេសជប៉ុន ដោយនាំមកនូវភ្លៀងធ្លាក់ខ្លាំង និងខ្យល់បក់បោកខ្លាំង នេះបើយោងតាមទីភ្នាក់ងារឧតុនិយមជប៉ុន (JMA)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

វាក៏បានធ្វើឱ្យប្រជាជនប្រហែល ៣សែននាក់ គ្មានថាមពលអគ្គីសនីប្រើប្រាស់ ដោយ JMA បាននិយាយថា ប្រជាជនជប៉ុនរាប់លាននាក់ត្រូវបានប្រាប់ឱ្យជម្លៀសចេញ និងរក្សាការប្រុងប្រយ័ត្ន ចំពោះនឹងព្យុះទីហ្វុងមួយនេះ។

មិនត្រឹមតែប៉ុណ្ណោះ ជើងហោះហើរជាង ៧០០ ក្រុមហ៊ុនអាកាសចរណ៍ដែលមានជើងហោះហើរ សម្រាប់ថ្ងៃចន្ទ ក៏ត្រូវបានលុបចោល ជាមួយនឹង​ការសេវាជិះថភ្លើងសាធារណៈ ក៏ត្រូវបានផ្អាកបណ្ណោះអាសន្នផងដែរ៕

ប្រភព៖ cgtn

• គ្រោះថ្នាក់អាយុជីវិត